MAYO 9, 2022
BALITA SA BUONG DAIGDIG

UPDATE—IKINULONG ANG MGA KAPATID | Mga Pamilya sa Crimea, Nakakapagtiis sa Tulong ni Jehova

I-PLAY

Noong Oktubre 6, 2022, hinatulan ng Nakhimovskiy District Court of Sevastopol ang mga brother na sina Vladimir Maladyka, Vladimir Sakada, at Yevgeniy Zhukov. Anim na taon silang mabibilanggo, at agad silang ikinulong.

Time Line

Oktubre 1, 2020

Ni-raid ng mga FSB agent ang mga bahay ng siyam na pamilya ng mga Saksi ni Jehova sa Sevastopol, pati ang mga bahay ng pamilyang Maladyka, Sakada, at Zhukov. Nang halughugin ang bahay ng mga Maladyka, nakita ng mga agent ang isang pakete ng powdered milk. Sinabi ng mga awtoridad na parang “ilegal na droga” ang tingin nila dito, kaya ipinadala nila si Brother Maladyka at ang asawa niyang si Nataliya, sa isang psychiatric facility para suriin. Napalaya rin si Nataliya nang araw ding iyon. Sina Brother Maladyka, Sakada, at Zhukov ay inilagay sa temporary detention. Inilipat sila kinabukasan sa pretrial detention center
Marso 23, 2021

Si Brother Sakada ay pinalaya sa pretrial detention at inilagay sa house arrest. Kinabitan siya ng tracking device at pinagbawalang gumamit ng Internet, telepono, o makipag-usap sa ibang brother na kasangkot sa kaso
Marso 30, 2021

Pinalaya si Brother Maladyka mula sa pretrial detention at inilagay sa house arrest
Mayo 17, 2021

Pinalaya si Brother Zhukov mula sa pretrial detention matapos makulong nang pitong buwan at inilagay sa house arrest
Setyembre 30, 2021

Nagsimula ang paglilitis

Profile

Vladimir Maladyka

Ipinanganak: 1963 (Yenakievo, Ukraine)

Maikling Impormasyon: Nagtrabaho bilang aircraft technician at mechanic sa loob ng maraming taon. Napangasawa si Nataliya noong 1986

Gusto niyang mapalapít sa Diyos pagkatapos dumanas ng mga problema ang pamilya niya. Nakilala niya ang mga Saksi ni Jehova dahil sa nakababata niyang kapatid na lalaki. Nabautismuhan kasabay ni Nataliya noong 1997

Personal na mga Komento

Paano mo nakita ang suporta ni Jehova sa pamilya mo sa pamamagitan ang mga kapatid?

Habang nasa detention center ako, sinuportahan ng mga kapatid ang pamilya ko sa materyal, espirituwal, at emosyonal. Madalas nila siyang tawagan sa telepono o nagpapadala sila ng mga text message at card para kumustahin siya. Dumadalaw naman ang ilan para patibayin siya at tulungan.

Para sa maraming kapatid, isang pribilehiyo na gumawa ng anumang bagay na magagawa nila para tumulong. Agad na tumutulong ang bawat isa sa kongregasyon “nang balikatan.”—Zefanias 3:9.

Vladimir Sakada

Ipinanganak: 1970 (Kyiv, Ukraine)

Maikling Impormasyon: Sinanay siya na maging machine operator. Nagsundalo rin siya. Nagtatrabaho bilang isang builder. Napangasawa si Svetlana noong 2005

Lumaking isang ateista. Naging interesado sa Bibliya nang ipakita sa kaniya ng isang kaibigan ang pangalan ng Diyos. Nakita niya ang praktikal na karunungan sa Salita ng Diyos. Nabautismuhan noong 1991

Personal na mga Komento

Paano ninyo natutuhang mag-asawa na mahalaga ang regular na pagsamba sa Diyos?

Magkakaugnay ang iba’t ibang bahagi ng pagsamba. Para itong isang “grupo ng mga muscle.” Ginagamit namin ito sa paghahanda at pakikibahagi sa mga pulong at sa pangangaral, pananalangin at pag-aaral ng Bibliya araw-araw, at sa pakikisama sa mga kapatid . . . Kahit na ipinagbabawal ang mga gawain namin, humahanap pa rin kami ng mga paraan para patuloy na sambahin si Jehova at manatiling matibay ang kaugnayan namin sa kaniya.

Yevgeniy Zhukov

Ipinanganak: 1969 (Sevastopol, Crimea)

Maikling Impormasyon: Ipinanganak sa isang malaking pamilya. Namatay ang tatay ni Yevgeniy noong 14 siya

Noong bata siya, nag-aral siyang mag-piano sa isang music school. Tumanggap ng pagsasanay bilang isang pipe fitter at nang maglaon ay nagtrabaho sa isang pabrika

Nagtatanong siya tungkol sa kahulugan ng buhay pagkatapos niyang maglingkod sa army. Ang nanay niya ang nagturo sa kaniya tungkol sa Bibliya, at dito niya nakita ang sagot sa mga tanong niya. Nabautismuhan noong 1997

Personal na mga Komento

Paano ka tinulungan ni Jehova habang nasa detention center ka?

[Noong 2021,] nag-aalala ako kung paano ko ipagdiriwang ang Memoryal. Iyon ang una kong pagdiriwang na hindi kasama ang kongregasyon. Kaya nanalangin ako, at sinagot ni Jehova ang panalangin ko sa pagbibigay sa akin ng lakas at karunungan. Sa tulong ni Jehova, nakapagpahayag ako sa Memoryal sa dalawang kasama ko sa selda. Naging mabuting patotoo ito sa kanila.

Nagtitiwala tayo na patatatagin ni Jehova ang mga puso ng mga kapatid na ito at ng lahat ng mga pinag-uusig sa Crimea.—1 Tesalonica 3:12, 13.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Crimea

Ibinibilanggo ang mga Saksi ni Jehova sa Crimea dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE