ENERO 23, 2024 | UPDATED: ABRIL 18, 2024
BALITA SA BUONG DAIGDIG

UPDATE—NAHATULAN ANG KAPATID | “Posible ang Lahat ng Bagay Kung May Pananampalataya ang Isa”

I-PLAY

Noong Abril, 16, 2024, hinatulan ng Nakhimovskiy District Court ng lunsod ng Sevastopol si Brother Maksim Zinchenko. Sinentensiyahan siya ng dalawang-taóng sapilitang pagtatrabaho. Kailangan niyang tumira sa isang correctional facility at magtrabaho sa lugar na sasabihin sa kaniya.

Profile

Maksim Zinchenko

Ipinanganak: 1992 (Ukraine)

Maikling Impormasyon: Isang welder

Pinalaki sa isang pamilyang Saksi. Nabautismuhan siya noong 2006

Napangasawa niya si Karina noong 2015

Personal na mga Komento

Anong teksto sa Bibliya ang nakatulong sa iyo?

Isa sa mga paborito kong teksto ang Marcos 9:23. Ang sabi do’n: “Posible ang lahat ng bagay kung may pananampalataya ang isa.” Napapalakas nito ang loob ko. Kaya tuwing humaharap ako sa korte para sa paglilitis o nag-aalala ako, ipinapaalala ko sa sarili ko ang mga salitang ito. Humihingi rin ako ng lakas ng loob kay Jehova. Kadalasan, paglabas ko ng korte, nagugulat ako sa nagawa ko sa tulong ni Jehova. Mas nakikita ko ngayon kung bakit napakahalagang maging mas malapít kay Jehova sa bawat araw. Sigurado ako na kapag kasama ko si Jehova, makakayanan ko anuman ang mangyari.

Sigurado tayo na gagantimpalaan ni Jehova ang lakas ng loob at pagtitiis ni Maksim at ng lahat ng patuloy na gumagawa ng kalooban Niya.—Hebreo 10:35, 36.

Time Line

Mayo 17, 2023

Sinampahan ng kasong kriminal dahil sa diumano’y pakikibahagi sa mga gawain ng isang ekstremistang organisasyon
Mayo 22, 2023

Hinalughog ang bahay niya. Pinagtatanong sina Maksim at Karina. Dinala si Maksim sa temporary detention center
Mayo 24, 2023

Pinalaya si Maksim pero hindi pinayagang umalis ng bahay
Hulyo 12, 2023

Nagsimula ang paglilitis

Tingnan Din

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE