PEBRERO 6, 2024
CUBA
Ini-release ang mga Aklat ng Bibliya na Mateo at Marcos sa Cuban Sign Language
Noong Enero 20, 2024, ini-release ang mga aklat ng Bibliya na Mateo at Marcos sa Cuban Sign Language sa isang espesyal na miting na ginanap sa Guanabacoa Assembly Hall sa Havana, Cuba. Naging available agad ang release na ito sa jw.org.
May mga 53,000 deaf sa buong Cuba. Mula noong 1990’s, sinisikap nang mapaabutan ng mabuting balita ang mga deaf sa Cuba. Ini-release ang unang mga publikasyong base sa Bibliya sa Cuban Sign Language noong 2011. Sa ngayon, mayroon nang 756 na kapatid sa 28 kongregasyon at 10 group sa buong bansa.
Tinutulungan ng isang sister ang isang brother na deaf na ma-download ang release sa cell phone nito
Ito ang unang salin ng mga aklat ng Bibliya na Mateo at Marcos sa Cuban Sign Language. Sinabi ng isang sister: “Damang-dama ko y’ong eksena sa Marcos 7:32-37, no’ng pagalingin ni Jesus y’ong lalaking bingi! Pakiramdam ko, ako y’ong pinagaling. Mas nai-imagine ko na ngayon ang magiging buhay sa bagong sanlibutan. Salamat!”
Masaya tayo para sa lahat ng nakatanggap ng regalong ito ni Jehova, at nagtitiwala tayo na marami pang gumagamit ng Cuban Sign Language ang magmamahal kay Jehova nang kanilang ‘buong puso, kaluluwa, at pag-iisip.’—Marcos 12:30.
Magugustuhan Mo Rin
KARANIWANG MGA TANONG
May Sarili Bang Bibliya ang mga Saksi ni Jehova?
Mapahuhusay mo ang pag-aaral mo ng Bibliya kung gagamit ka ng iba’t ibang salin nito. May tatlong dahilan kung bakit magandang gamitin ang Bagong Sanlibutang Salin ng Banal na Kasulatan.
SAAN NAPUPUNTA ANG DONASYON MO?
Paglalathala ng Pinakamahalagang Aklat
Malaking trabaho ang pagsasalin, pag-iimprenta, at pagba-bind ng Bagong Sanlibutang Salin.
KARANIWANG MGA TANONG
Naniniwala ba ang mga Saksi ni Jehova sa Matandang Tipan?
Lipas na ba sa panahon ang ilang bahagi ng Bibliya? Alamin ang kung paano makikinabang ang mga Kristiyano sa makasaysayang mga ulat at praktikal na payo sa Hebreong Kasulatan.