Fiji

• Noong Huwebes, Disyembre 17, 2020, nag-landfall ang Bagyong Yasa sa Vanua Levu, ang pangalawa sa pinakamalaking isla sa Fiji

• Ang Yasa ang pangalawa sa pinakamalakas na bagyong tumama sa Fiji. Ayon sa report, umabot sa 260 kilometro kada oras ang bilis ng hangin nito

• Di-bababa sa 30 kongregasyon at mga isolated group ang nasa lugar na dinaanan ng bagyo

• Walang kapatid na nasaktan

• Ayon sa mga unang report, 20 pamilya ang inilikas

• Sinira ng bagyo ang maraming pananim, na pinagkukunan ng pagkain ng 430 kapatid sa lugar

• 10 bahay ang nawasak

• 25 bahay ang nasira

• 1 Kingdom Hall ang bahagyang nasira

• Nag-atas ang sangay sa Fiji ng tatlong Disaster Relief Committee (DRC). Naglaan ang mga ito ng pangunahing pangangailangan ng mga naapektuhang kapatid, gaya ng tubig na maiinom, damit, pagkain, at mga tarpaulin. Tinulungan din ng mga DRC na makahanap ng pansamantalang matutuluyan ang lumikas na mga kapatid

• Dinalaw ng ilang brother mula sa sangay sa Fiji at mga tagapangasiwa ng sirkito doon ang mga kapatid para patibayin sila

• Sinusunod nila at ng iba pang tumutulong sa relief work ang mga safety protocol ng COVID-19

Kahit nawalan ng ari-arian ang mga kapatid dahil sa napakalakas na bagyong ito, kitang-kita pa rin nila kung gaano katotoo ang sinasabi ng Awit 46:1: “Ang Diyos ang ating kanlungan.”