Maaga noong Miyerkules ng umaga, Disyembre 7, niyanig ng magnitude 6.5 na lindol ang hilagang baybayin ng Sumatra, isang isla sa Indonesia. Mahigit 100 katao ang kumpirmadong namatay at daan-daan ang nasaktan.

Ayon sa tanggapang pansangay ng mga Saksi ni Jehova sa Jakarta, nakontak na ang lahat ng kanilang kapananampalataya sa lugar na iyon at walang namatay o nasaktan dahil sa lindol. Wala ring tahanan o lugar ng pagsamba ng mga Saksi ang napinsala.

Sinisikap ng lokal na mga Saksi na magbigay ng kaaliwan at tulong sa mga naapektuhan ng sakuna.

Media Contacts:

International: David A. Semonian, Office of Public Information, +1-845-524-3000

Indonesia: Tom Van Leemputten, +62-813-4527-1974