Estado ng Tamaulipas at ng Nuevo León, Mexico

• Humina ang Bagyong Hanna at naging isang tropical depression. Sinalanta nito ang hilagang-silangang Mexico noong Hulyo 26, 2020 at nagdulot ng pagbaha

• Sa estado ng Nuevo León, 14 na pamilya ang inilikas bago pa dumating ang bagyo

• Sa lunsod ng Reynosa, na nasa estado ng Tamaulipas, 100 mamamahayag ang kinailangang lumikas

• 21 bahay ang nasira sa estado ng Nuevo León

• 117 bahay ang nasira sa estado ng Tamaulipas

• Bumuo ng Disaster Relief Committee ang sangay sa Central America

• Nagtutulungan ang mga tagapangasiwa ng sirkito at mga elder sa mga apektadong lugar para linisin at i-disinfect ang mga bahay na binaha

• Sa estado ng Nuevo León, karamihan sa mga kapatid na lumikas ay nakabalik na sa mga bahay nila

• Sa estado ng Tamaulipas, nagbibigay ng pagkain at damit ang mga kongregasyon sa mga kapatid na naapektuhan

Nagpapasalamat tayo kay Jehova na walang kapatid na nasaktan sa sakunang ito. Ipinapakita ng mga relief work na ang ating Ama sa langit at ang mga lingkod niya ay laging ‘handang tumulong kapag may mga problema.’—Awit 46:1.