OKTUBRE 6, 2022
MOZAMBIQUE
Ini-release ang Bagong Sanlibutang Salin sa Sena
Noong Oktubre 2, 2022, ini-release ni Brother David Amorim, isang miyembro ng Komite ng Sangay sa Mozambique, ang Bagong Sanlibutang Salin ng Banal na Kasulatan sa Sena. a Ang Bibliya ay ini-release sa isang programa na patiunang inirekord, at napanood ng maraming kapatid sa kanilang lokal na Kingdom Hall. Ang programa ay napanood din sa telebisyon at napakinggan sa 14 na istasyon ng radyo.
Ang Sena ay sinasalita sa apat na probinsiya ng Mozambique: Manica, Sofala, Tete, at Zambezia. Sinasalita rin ang Sena sa ilang bahagi ng Malawi.
Ang Sena remote translation office sa Beira, Mozambique
Ito ang unang pagkakataon na naisalin ng mga Saksi ni Jehova ang kumpletong Bagong Sanlibutang Salin sa isang katutubong wika ng Mozambique. Bago ilabas ang Bibliyang ito, may ilang bahagi na ng Bibliya na makukuha sa Sena, pero mahal ito at hindi na maintindihan ang mga salitang ginamit.
Natutuwa tayo sa espesyal na pagpapalang ito ni Jehova para sa ating mga kapatid na nagsasalita ng Sena.—Kawikaan 10:22.
a Makukuha ang Bibliya sa inimprenta at elektronikong format nito.
Magugustuhan Mo Rin
KARANIWANG MGA TANONG
May Sarili Bang Bibliya ang mga Saksi ni Jehova?
Mapahuhusay mo ang pag-aaral mo ng Bibliya kung gagamit ka ng iba’t ibang salin nito. May tatlong dahilan kung bakit magandang gamitin ang Bagong Sanlibutang Salin ng Banal na Kasulatan.
SAAN NAPUPUNTA ANG DONASYON MO?
Paglalathala ng Pinakamahalagang Aklat
Malaking trabaho ang pagsasalin, pag-iimprenta, at pagba-bind ng Bagong Sanlibutang Salin.