Noong Hunyo 19, 2022, ini-release ni Brother Patrick Hecker, miyembro ng Komite ng Sangay sa Mozambique ang Bagong Sanlibutang Salin ng Kristiyanong Griegong Kasulatan sa wikang Lomwe. Ini-release ang Bibliya sa digital format sa isang programa na patiunang inirekord. Pinanood ng karamihan ng mga Saksi ni Jehova sa mga kongregasyong nagsasalita ng Lomwe ang programa sa kani-kanilang Kingdom Hall, kung saan tumanggap ang bawat isa ng inimprentang kopya ng Bibliya.

May mga Bibliya na sa Lomwe mula pa noong 1930, pero mahal ang mga ito at makaluma ang mga salita. Isa pa, hindi rin ito laging tumpak. Halimbawa, sa nakukuhang mga salin, ang Lucas 23:43 ay isinasalin na: “Sinasabi ko sa iyo ngayon, makakasama kita sa langit.” Tumpak namang isinasalin ito ng Bagong Sanlibutang Salin na: “Sinasabi ko sa iyo ngayon, makakasama kita sa Paraiso.”

Ganito ang sinabi ng isa sa mga translator tungkol sa bagong release na ito: “Ang Bagong Sanlibutang Salin ng Kristiyanong Griegong Kasulatan sa Lomwe ay masarap basahin at madaling maintindihan. Tiyak na mas madaling maiintindihan ng mga kapatid ang kahulugan ng mga teksto at mapapakilos silang ikapit ang mga natututuhan nila.”

Nagtitiwala kami na ang salin na ito ng Bibliya ay tutulong sa ating mga kapatid na maging mas malapít kay Jehova at tutulong din sa mga nakakausap nila sa ministeryo.—Mateo 5:3.