Noong Setyembre at Oktubre 2020, umulan nang husto sa Nigeria kaya bumaha sa ilang lugar doon. Maraming taniman at istraktura ang nasira dahil sa baha. Nakakalungkot, isang kapatid ang namatay dahil sa sakuna. Mahigit 1,828 kapatid din ang inilikas at mga 62 bahay ng mga kapatid ang nasira.

Nagpadala ng pitong Disaster Relief Committee ang sangay ng Nigeria para isaayos ang relief work habang sumusunod sa mga tagubilin sa COVID-19. Nagtutulungan ang mga tagapangasiwa ng sirkito at mga elder doon para maibigay ang materyal at espirituwal na pangangailangan ng mga kapatid.

Talagang nalulungkot tayo sa pagkamatay ng ating kapatid. Alam natin na patuloy silang tutulungan ni Jehova, ang Diyos na ating tagapagligtas, sa ganitong mahirap na kalagayan.—Awit 68:19.