SETYEMBRE 12, 2022
RUSSIA

Aleksandr Shutov, Patuloy na Nagtitiwala sa Patnubay ni Jehova

I-PLAY

Malapit nang ibaba ng Lazo District Court of the Khabarovsk Territory ang hatol nito sa kaso ni Brother Aleksandr Shutov. Wala pang hinihiling ang prosecutor na parusa para sa kaniya.

Time Line

Hulyo 26, 2021

Sinampahan ng kasong kriminal
Hulyo 30, 2021

Hinalughog ang bahay. Inaresto si Aleksandr, pinagtatanong, at pinalaya, pero hindi pinayagang magbiyahe
Agosto 3, 2021

Isinama sa listahan ng mga ekstremista sa Russia
Abril 28, 2022

Nagsimula ang paglilitis

Profile

Aleksandr Shutov

Ipinanganak: 1952 (Pionerskiy, Irkutsk Region)

Maikling Impormasyon: Nagsimulang magtrabaho sa isang farm sa edad na 15. Nagretiro na

Napangasawa si Rosa noong 1973. Mayroon silang 4 na anak, 11 apo, at 3 apo sa tuhod

Nalaman ng nanay niya ang katotohanan mula sa mga Saksi ni Jehova habang tapon sa Siberia. Nabautismuhan siya noong 1975. Nasentensiyahan siyang makulong nang isang taon noong 1976 dahil sa pagtangging magsundalo

Personal na mga Komento

Ano ang natutuhan mo nang una kang makulong noong 1976?

Naaalala ko ang isang karanasan ko noon. Nang dadalhin ako sa bilangguan, sinabi sa akin ng isa sa mga opisyal ng KGB: “Mahabang biyahe ito; OK lang ba kung mag-usap tayo?” Pagkatapos kong sagutin ang lahat ng tanong niya, sinabi niya: “Alam mo, napakakalmado mo. Parang ihahatid kita sa bahay mo, hindi sa kulungan.” Kapag buo ang tiwala mo kay Jehova at hihingi ng tulong niya, magiging kalmado ka. Parang walang masamang nangyayari. Sa kalagayan ko ngayon, dapat na patuloy akong magtiwala kay Jehova at hingin ang patnubay niya.

Habang tumitindi ang pag-uusig, patibayin nawa nating lahat ang ating pananampalataya ngayon at maging determinadong magtiwala “sa tapat na pag-ibig ng Diyos magpakailanman.”—Awit 52:8.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE