Noong Pebrero 17, 2023, hinatulan ng Gorno-Altayskiy City Court of the Republic of Altai si Brother Aleksandr Kalistratov at pinatawan ng anim-at-kalahating taóng suspended prison sentence. Hindi niya kailangang makulong sa ngayon.

Nagtitiwala tayo na patuloy na diringgin ni Jehova ang tapat na mga lingkod niya habang tumatawag sila sa kaniya sa panahon ng kagipitan.—2 Samuel 22:7.

1. 2000

   Inaresto dahil sa pagtangging maglingkod sa militar. Dinala sa pretrial detention sa loob ng 21 araw. Di-nagtagal, pinawalang-sala siya

2. 2010

   Inakusahan ng ekstremismo. Dalawang beses na sinuri ang kaso niya. Ipinadala sa Supreme Court ng Altai Republic ang kaso niya, kung saan pinawalang sala ang lahat ng paratang sa kaniya

3. Disyembre 16, 2021

   Sinampahan ng kasong kriminal

4. Enero 16, 2022

   Hinalughog ng mga pulis ang limang bahay ng mga Saksi ni Jehova sa Republic of Altai. Puwersahang pinasok ng mga pulis ang bahay ng mga Kalistratov at kinuha si Aleksandr para pagtatanungin. Pinalaya rin siya kinagabihan at pinagbawalang magbiyahe

5. Agosto 25, 2022

   Nagsimula ang paglilitis