Noong Oktubre 23, 2020, hinatulan ng Oktyabrsky District Court ng Kirov si Brother Anatoliy Tokarev at pinagmumulta ng 500,000 ruble ($6,552 U.S.). May 10 araw siya para magsumite ng apela.

Sa huling mga salita ni Brother Tokarev sa korte, lakas-loob niyang sinabi: “Sa kriminal na kasong ito, parang sinasabi sa akin ng mga opisyal: ‘Itatakwil mo ang pananampalataya mo, o . . . paparusahan ka.’ . . . Your Honor, gaya po ng sabi ko no’ng unang araw ng pagdinig sa akin, at inuulit ko ngayon, hindi ko itatakwil ang pananampalataya ko sa Diyos. . . . Siyempre, puwede akong makulong o mamatay pa nga, gaya ng puwedeng mangyari sa sinumang Saksi ni Jehova. Takot ang maidudulot nito at puwede akong tawaging ekstremista—isang di-makatuwirang kasiraan sa pangalan ko. Pero, your Honor, hindi ko po iiwan ang Diyos at hindi ko hahayaang mawala ang pag-ibig niya sa akin.”