NOBYEMBRE 9, 2022
RUSSIA

Brother Andrey Danielyan, Nahatulang Makulong Nang Anim na Taon

I-PLAY

Noong Nobyembre 7, 2022, hinatulan ng Rubtsovskiy City Court of the Altai Territory si Brother Andrey Danielyan at sinentensiyahang makulong nang anim na taon. Agad siyang ikinulong.

Time Line

Mayo 25, 2021

Sinampahan ng kasong kriminal pagkatapos manmanan sa loob ng ilang buwan si Andrey
Mayo 26, 2021

Hinalughog ang apartment nila. Inilagay si Andrey at ang asawa niya sa detention center at pinagtatanong. Pinagbawalang magbiyahe si Andrey
Hulyo 13, 2022

Opisyal na inakusahan ng pag-oorganisa sa mga gawain ng isang ekstremistang organisasyon
Setyembre 5, 2022

Nagsimula ang paglilitis
Nobyembre 7, 2022

Sinentensiyahang makulong nang anim na taon

Profile

Andrey Danielyan

Ipinanganak: 1969 (Aleysk, Altai Territory)

Maikling Impormasyon: Dating janitor sa isang paaralan

Masaya nang malaman na babaguhin ng Diyos ang lupa na sinira ng tao. Nabautismuhan bilang Saksi ni Jehova noong 1992

Napangasawa si Nina noong 1997

Personal na mga Komento

Paano ka nakakapanatiling tapat? a

Napakahirap ng buhay ngayon, at baka maging mas mahirap pa ito sa hinaharap. Gusto kong magtiis, pero higit pa ang kailangan ko. Ang isang atletang gustong manalo sa kompetisyon ay patiunang naghahanda at puspusang nagsasanay. Kailangang maging malapít ako kay Jehova ngayon pa lang para makapanatili akong tapat sa pag-uusig. Iniisip ko iyon para lalo ko pang palalimin ang pagtitiwala ko kay Jehova, at patuloy na humiling ng tapang, pagtitiis, at lakas. Isinulat ni apostol Pablo sa 1 Timoteo 4:8: “Dahil may kaunting pakinabang sa pisikal na pagsasanay, pero ang makadiyos na debosyon ay kapaki-pakinabang sa lahat ng bagay, dahil may kasama itong pangako na buhay sa ngayon at sa hinaharap.”

Nagpapasalamat tayo sa magandang halimbawa ni Andrey at ng iba pang kapatid na determinadong maglinang ng makadiyos na debosyon habang hinihintay nating lahat ‘ang pangako na buhay sa hinaharap.’—1 Timoteo 4:8.

a Ang mga komento ni Brother Danielyan ay ibinigay bago siya masentensiyahan.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE