AGOSTO 3, 2021
RUSSIA

Brother Andrey Okhrimchuk, Nagtitiwalang Palalakasin Siya ni Jehova

I-PLAY

UPDATE | Noong Pebrero 3, 2022, ibinasura ng Fourth General Jurisdiction Court of Cassation ang reklamo ni Brother Andrey Okhrimchuk. Mananatili ang hatol sa kaniya na apat-na-taóng suspended sentence. Hindi siya kailangang mabilanggo sa ngayon.

Time Line

Mayo 22, 2019

Maagang dumating ang mga pulis na nakatakip ang mukha at hinalughog ang bahay at sasakyan ni Andrey
Oktubre 29, 2020

Sinampahan siya ng kasong kriminal. Naakusahan siya ng pakikibahagi sa ilegal na relihiyosong pulong at pagsuporta sa mga gawain ng isang ekstremistang organisasyon
Abril 5, 2021

Nagsimula ang paglilitis
Agosto 2, 2021

Hinatulan ng Leninskiy District Court ng Rostov-on-Don na nagkasala si Brother Andrey Okhrimchuk. Sinentensiyahan siya ng korte ng apat-na-taóng suspended prison sentence
Oktubre 4, 2021

Hindi tinanggap ng Rostov Regional Court ang apela ni Andrey. Mananatili ang orihinal na sentensiya sa kaniya. Hindi niya kailangang makulong sa ngayon

Profile

Andrey Okhrimchuk

Ipinanganak: 1979 (Korosten, Ukraine)

Maikling Impormasyon: Nag-aral ng mechanical engineering. Naging sundalo bago naging Saksi ni Jehova

Nagustuhan niya at ng asawa niyang si Yekaterina, na napangasawa niya noong 2006, ang katuparan ng mga hula sa Bibliya. Nabautismuhan sila noong 2007. May isa silang anak na babae

Personal na mga Komento

Paano napatibay ng mga pagsubok na ito ang kaugnayan mo kay Jehova?

Hindi ko siguro matitiis ang mga pagsubok na ito kung wala ang tulong ni Jehova. Ngayon lang ako nanalangin nang ganito kadalas. Sinasabi ko kay Jehova ang mga problema ko, at humiling ako ng higit na pananampalataya at lakas ng loob para hindi ako matakot sa anumang bagay o sa sinuman. Alam kong naririnig ako ni Jehova at kontrolado niya ang lahat ng bagay.

Ano ang nakatulong sa iyo na manatiling tapat kay Jehova sa kabila ng mga pagsubok na ito?

Naaalala ko ang sinasabi sa Juan 6:67, 68. Tinanong ni Jesus ang mga apostol kung gusto ba nilang umalis, at sumagot si Pedro: ‘Kanino kami pupunta?’ Iyan din ang tanong ko. Kanino ako pupunta? Salita ni Jehova lang ang nagbibigay ng buhay na walang hanggan, at si Jehova lang ang makakapagbigay ng tunay na katarungan. Nakatulong sa akin ang Isaias 30:15. Kapag pinanghihinaan ako ng loob at parang hindi ko na kaya, tinutulungan ako ng tekstong ito na manatiling panatag at magtiwala kay Jehova.

Ano ang maipapayo mo sa iba na naghahanda para sa pag-uusig sa hinaharap?

Huwag magtiwala sa sarili mong lakas. Sa halip, hilingin kay Jehova na patibayin ang pananampalataya mo at bigyan ka ng higit na lakas ng loob. Makipagkaibigan sa mga kapatid para may makausap ka kapag nag-aalala ka sa dami ng problema.

Magandang halimbawa para sa atin ang matibay na pananampalataya ng mga kapatid natin sa Russia. Alam natin na matitiis ni Andrey at ng kaniyang pamilya ang pagsubok na ito dahil patuloy silang nagtitiwala sa ating Ama sa langit, si Jehova.—Awit 37:5.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE