Noong Pebrero 2, 2021, hinatulang guilty ng Birobidzhan District Court ng Jewish Autonomous Region ang 35-taóng-gulang na si Artur Lokhvitskiy. Pinatawan siya ng dalawa’t-kalahating-taóng suspended prison sentence na may tatlong-taóng probation. Hindi niya kailangang makulong ngayon.

Ito ang huling sinabi ni Artur sa korte: “Napakalaking karangalan na maging bahagi ng pagdinig na ito, anuman ang maging resulta nito. Nasaksihan ko ulit ang katuparan ng mga sinabi ni Jesu-Kristo. Mababasa iyon sa Bibliya sa aklat ng Marcos kabanata 13, talata 9 at 10: ‘Maging handa kayo. Dadalhin nila kayo sa mga hukuman, . . . at makapagpapatotoo kayo sa kanila. Gayundin, kailangan munang ipangaral ang mabuting balita sa lahat ng bansa.’ . . . Ito ang dahilan kung bakit sinasabi ko sa iba ang tungkol sa layunin ng Diyos. Pribilehiyo ko na sabihin ito sa inyo, Your Honor.”