SETYEMBRE 18, 2023
RUSSIA

Brother Vladimir Balabkin, 71 Anyos, Nahatulang Makulong Nang Apat na Taon sa Russia

I-PLAY

Noong Setyembre 13, 2023, hinatulan ng Belogorsk City Court of the Amur Region si Brother Vladimir Balabkin ng apat-na-taóng pagkabilanggo. Mula sa korte, idineretso na siya sa kulungan.

Profile

Vladimir Balabkin

Ipinanganak: 1952 (Belogorsk)

Maikling Impormasyon: Nagtrabaho bilang telecommunications technician para sa railway. Retirado na

Napangasawa si Tatyana noong 1972. Mayroon silang dalawang anak na lalaki

Unang nag-aral si Tatyana ng Bibliya at nabautismuhan noong 1994. Naging interesado si Vladimir nang malaman niya ang pangalang Jehova. Nabautismuhan siya bilang isang Saksi ni Jehova noong 1995

Personal na mga Komento a

Ano ang natutuhan mo mula sa karanasang ito? b

Ang pinakamahalagang natutuhan ko ay magtiwala kay Jehova at sa kaniyang organisasyon at hindi sa sarili ko o sa karanasan ko sa buhay. Kumbinsido ako na laging nakakatulong at napapanahon ang payo ni Jehova anuman ang kalagayan ko. Mas nakita ko rin kung gaano kalakas ang panalangin. Bago ang interogasyon o pagdinig sa korte, kinakabahan ako. Pero pagkatapos kong manalangin, lagi akong nakadarama ng kapayapaan ng puso at isip. Nakatulong ito sa akin na maging mas espesipiko sa mga panalangin ko, para sa sarili ko at sa iba.

Nagpapasalamat tayo sa halimbawa ni Vladimir ng katapatan at pagtitiwala sa Diyos, at alam natin na patuloy siyang bibigyan ni Jehova ng lakas at kapayapaan ng isip at puso.—Awit 29:11.

Time Line

Marso 2, 2021

Sinampahan ng kasong kriminal
Marso 4, 2021

Hinalughog ang bahay
Mayo 18, 2023

Nagsimula ang paglilitis
Setyembre 13, 2023

Nahatulan at nasentensiyahan ng apat-na-taóng pagkabilanggo

a b Nakuha ang mga sinabi ni Brother Balabkin bago siya masentensiyahan.

Tingnan Din

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE