AGOSTO 10, 2023
RUSSIA

Determinadong Manatiling Masaya Kahit Pinag-uusig

I-PLAY

Malapit nang ibaba ng Syktyvkarskiy City Court ng Komi Republic ang hatol nito sa kaso nina Brother Aleksandr Ketov, Andrey Kharlamov, Aleksandr Kruglyakov, Sister Lidiya Nekrasova, at Brother Sergey Ushakhin. Wala pang hinihiling ang prosecutor na parusa para sa kaniya.

Profile

Andrey Kharlamov

Ipinanganak: 1971 (Syktyvkar)

Maikling Impormasyon: Nagtatrabaho bilang isang heating engineer

Napangasawa niya si Larisa noong 1990

Isang katrabaho niya ang nakipag-usap sa kaniya tungkol sa Bibliya. Nakita niya na gumanda ang buhay niya nang sundin niya ang mga prinsipyo mula sa Bibliya. Parehong nabautismuhan sina Andrey at Larisa noong 1994

Personal na mga Komento

Ano ang nakatulong sa iyo na manatiling matiisin?

Tuwing may pagsubok na dumarating, lalo akong nagiging malapít kay Jehova. Pagkatapos akong sampahan ng kasong kriminal, may mga pagkakataong parang susuko na ako sa problema. Pero habang tumatagal, nakikita ko kung paano ako tinutulungan ni Jehova. May ginagamit siya para patibayin ako. Kumbinsido ako na kasama ko si Jehova, na binubuhat niya ako sa mga bisig niya. Ipinapaalala sa akin nito ang sinasabi sa Santiago 5:11: “Itinuturing nating maligaya ang mga nakapagtiis. Nalaman ninyo ang tungkol sa pagtitiis ni Job at kung paano siya pinagpala ni Jehova nang bandang huli, at nakita ninyo na si Jehova ay napakamapagmahal at maawain.” Dahil naranasan ko mismo na mapangalagaan ni Jehova, determinado akong maipakita ang pagmamahal ko sa kaniya at manatiling tapat.

Aleksandr Kruglyakov

Ipinanganak: 1979 (Ukhta, Komi Republic)

Maikling Impormasyon: Nagtatrabaho bilang isang real estate agent

Sinimulan niyang basahin ang Bibliya noong tin-edyer siya. Dahil sa pakikipag-Bible study sa mga Saksi ni Jehova, naihinto niya ang paglalasing at pagdodroga. Nabautismuhan siya noong 2000

Napangasawa niya si Tatyana noong 2005

Personal na mga Komento

Ano ang nakatulong sa iyo na patuloy na magpatotoo kahit pinag-uusig?

Inihula ni Jesus sa Lucas 21:12, 13 na ang mga tagasunod niya ay pag-uusigin, ibibilanggo, at dadalhin sa harap ng mga awtoridad. Pero sinabi rin niya: “Sa ganitong paraan, makakapagpatotoo kayo sa mga tao.” Siguradong manghihinayang ako kung hindi man lang ako nakapangaral sa bilangguan. Kaya ginawa kong goal na maraming makausap na opisyal ng gobyerno. Sinasabi ko na may pagkakapareho ang trabaho nila at ang trabaho natin. Pareho tayong tumutulong na gumanda ang lipunan. Ikinukulong nila ang mga kriminal para hindi na ito makapinsala sa iba. Kaya nga lang, paglabas ng mga kriminal sa bilangguan, balik sila sa dati nilang masamang gawain. Sa tulong ng Bibliya, tinutulungan natin ang mga tao na permanenteng baguhin ang kanilang buhay at makipagtulungan para sa ikapapayapa ng lipunan.

Sergey Ushakhin

Ipinanganak: 1961 (Pinyug, Kirov Region)

Maikling Impormasyon: Nagtatrabaho sa pagawaan ng papel

Napangasawa niya si Nataliya noong 1987. May isa silang anak na lalaki at isang anak na babae

Una niyang nalaman ang tungkol sa mga Saksi ni Jehova nang mag-Bible study ang nanay niya. Nakumbinsi siya na nakita na niya ang katotohanan nang masagot ang mga tanong niya mula sa Bibliya. Nabautismuhan siya noong 1999. Nabautismuhan naman si Nataliya noong 2005

Personal na mga Komento

Ano ang nakatulong sa iyo na manatiling positibo?

Kapag nasisiraan ka ng loob, natural lang na manghina ka at maging negatibo. Nakatulong sa akin ang pananalangin, pagbabasa ng Bibliya, at pakikisama sa mga kapananampalataya ko. Espesipiko kong idinadalangin kay Jehova na tulungan akong patibayin ang iba, lalo na ang marami nating may-edad nang mga kapatid. Masayang-masaya ako kapag natutulungan ko silang magpokus sa lahat ng mabubuting bagay ngayon at kapag napapatibay ko sila sa mga sinasabi ko. Napakalaking pribilehiyo na magamit ni Jehova sa ganitong paraan.

Gaya ng ipinapakita ng mga karanasang ito, “pinalalakas” ni Jehova ang ating mga kapatid na nagtitiis ng pagsubok para makapanatili silang tapat.—Isaias 40:29.

Time Line

Marso 2, 2021

Hinalughog ang mga bahay ng di-kukulangin sa 14 na pamilya ng mga Saksi ni Jehova sa Syktyvkar. Sina Aleksandr Ketov, Andrey Kharlamov, at Aleksandr Kruglyakov ay pansamantalang ikinulong. Sina Lydia Nekrasova at Sergey Ushakhin naman ay pinagbawalang umalis ng kanilang lugar
Marso 3, 2021

Pansamantalang pinalaya sa bilangguan sina Aleksandr Ketov at Andrey Kharlamov, pero hindi sila puwedeng umalis ng bahay. Si Aleksandr Kruglyakov naman ay ikinulong bago pa man litisin
Abril 27, 2021

Pinayagan nang umalis ng bahay si Andrey Kharlamov
Abril 28, 2021

Puwede nang umalis ng bahay si Aleksandr Ketov, at napalaya naman sa pretrial detention si Aleksandr Kruglyakov
Abril 19, 2022

Nagsimula ang paglilitis
Hunyo 9, 2022

Sinabi ng hukom na walang katibayan ng ekstremismo at ibinalik ang kaso sa prosecutor
Pebrero 14, 2023

Nagsimula uli ang paglilitis sa pangangasiwa ng isang bagong hukom

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE