ENERO 4, 2023
RUSSIA

Determinadong Tulungan ang Iba Kahit Pinag-uusig

I-PLAY

Malapit nang ibaba ng Kuznetskiy District Court of Novokuznetsk ang hatol nito sa kaso ni Sister Tatyana Sushilnikova. Wala pang hinihiling ang prosecutor na parusa para sa kaniya.

Profile

Tatyana Sushilnikova

Ipinanganak: 1959 (Korkino, Chelyabinsk Region)

Maikling Impormasyon: Nagtrabaho bilang supervisor sa isang pabrika at safety engineer. Napangasawa si Sergey noong 1979. May dalawang anak na babae

Ipinakilala ng isang kamag-anak sa mga Saksi ni Jehova. Nagpa-Bible study silang mag-asawa. Humanga sa pag-ibig na nakita nila sa mga Saksi. Parehong nabautismuhan noong 1996

Personal na mga Komento

Paano ka napatibay ng mga halimbawa ng iba?

Nakatulong sa akin ang pagbabasa ng mga artikulo tungkol sa mga kapatid natin na inaresto at nilitis. Alam ko na kung ano ang dapat kong asahan dahil sa mga report na iyon, kaya hindi ako natakot nang arestuhin ako. Napakaganda ng halimbawa ng mga kapatid na ikinulong. Sa kabila ng sitwasyon nila, sumusulat sila ng mga liham para patibayin ang mga kapatid na hindi nakakulong.

Napatibay rin ako ni Sergey. Nang litisin siya, buo pa rin ang tiwala niya kay Jehova at determinado siyang maging tapat. Hindi niya hinayaang masiraan siya ng loob o matakot sa kung ano ang puwedeng mangyari sa kaniya. Iniisip niya muna ang mga kapatid at humahanap siya ng mga paraan para palakasin at patibayin sila. Determinado akong tulungan ang iba sa abot ng makakaya ko. Nakatulong iyon para hindi ako masyadong magpokus sa mga problema ko.

Gaya ni Tatyana, napapatibay tayo ng mga halimbawa ng ‘malaking ulap ng mga saksi’ na nagtitiis ng pag-uusig sa tulong ni Jehova.—Hebreo 12:1.

Time Line

Hunyo 8, 2021

Ni-raid ng armadong mga FSB agent ang tatlong bahay ng mga Saksi ni Jehova sa Novokuznetsk. Sumailalim sa tatlong oras na interogasyon si Tatyana at ang asawa niyang si Sergey
Hunyo 20, 2022

Sinampahan ng kasong kriminal. Inakusahan ng pagsasagawa ng relihiyosong mga pag-uusap at pakikibahagi sa relihiyosong mga pulong
Hulyo 22, 2022

Opisyal na kinasuhan
Setyembre 27, 2022

Nagsimula ang paglilitis. Ibinalik ng hukom ang kaso sa prosecutor dahil hindi sinunod ang tamang proseso
Nobyembre 16, 2022

Itinuloy ang paglilitis

Tingnan Din

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE