HUNYO 15, 2022
RUSSIA

Galina Kobeleva, Determinadong Magpatotoo sa Korte

I-PLAY

Malapit nang ibaba ng Lesozavodskiy District Court ng Primorye Territory ang hatol nito sa kaso ni Sister Galina Kobeleva. Wala pang hinihiling ang prosecutor na parusa para sa kaniya.

Time Line

Mayo 12, 2020

Hinalughog ng mga pulis sa Primorye Territory ang bahay ng apat na pamilya ng mga Saksi ni Jehova, kasama na ang bahay ni Galina. Siya at ang anak niyang si Brother Sergey Kobelev ay sumailalim sa interogasyon at inimbestigahan
Marso 8, 2021

Sinampahan ng mga awtoridad ng kasong kriminal si Galina. Inakusahan siya ng pakikibahagi sa mga gawain ng isang ekstremistang organisasyon
Abril 7, 2021

Pinagbawalang magbiyahe
Oktubre 29, 2021

Nagsimula ang paglilitis

Profile

Galina Kobeleva

Ipinanganak: 1956 (Verkhniye Mully, Perm Territory)

Maikling Impormasyon: Nagtrabaho sa sales at accounting. Mahilig maghalaman

Unang nalaman ang katotohanan tungkol sa mga Saksi ni Jehova sa nanay niya. Dahil sa nakitang pag-ibig sa gitna ng mga kapatid sa kongregasyon, nakumbinsi na nasumpungan na niya ang katotohanan. Nabautismuhan noong 1998

Personal na mga Komento

Ano ang nakatulong sa iyo para lakas-loob na magpatotoo?

Iniisip ko ang korte na personal kong teritoryo. Nadarama ko na inaasahan ni Jehova at ni Jesus na magpapatotoo ako sa harap ng korte.

Sinusuportahan din ako ng mga kapatid sa tuwing may hearing. Kahit nag-iisa ako sa mga hearing, alam kong sinusuportahan ako ng mga nananalangin para sa akin.

Anong teksto sa Bibliya ang nakatulong sa iyo na magtiis?

Isa sa mga paborito kong teksto ang Isaias 48:17, 18 na nagsasabi: “Ako, si Jehova, ang iyong Diyos, ang nagtuturo sa iyo para makinabang ka, ang pumapatnubay sa iyo sa daan na dapat mong lakaran.” . . . Lagi kong binubulay-bulay ang mga pakinabang ng pagsunod sa kaniyang daan at nagbibigay ito sa akin ng tunay na kaligayahan. Inaasahan natin ang isang napakagandang pag-asa na mabuhay sa ilalim ng perpektong mga kalagayan sa isang paraisong lupa. Pero ngayon pa lang, may pagkakataon tayo na pansinin kung paanong ang ating makapangyarihang Kaibigan at Ama ay nasa tabi natin sa panahon ng mga pagsubok at inilalapit tayo sa kaniya. . . . Kung iiwan ko ang kaniyang daan, haharapin ko pa rin ang mga problema sa buhay, pero gagawin ko iyon nang wala ang isa na talagang makaaaliw at makakatulong sa akin.

Talagang nagpapasalamat tayo na patuloy na inaakay ni Jehova ang tapat niyang mga lingkod, gaya ni Galina, sa “ligtas na lugar” habang lakas-loob nilang ipinagtatanggol ang kaniyang pangalan.—2 Samuel 22:18-21.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE