Malapit nang ilabas ng Kurgan City Court of the Kurgan Region ang hatol nito sa kaso ni Brother Anatoliy Isakov. Wala pang hinihiling ang prosecutor na parusa para sa kaniya.

Pinahahalagahan natin ang determinasyon at pananampalataya ni Anatoliy sa harap ng maraming pagsubok. At masaya tayong malaman na anuman ang nararanasan natin, si Jehova ay magiging ‘bato ng puso natin.’—Awit 73:26.

1. Hulyo 13, 2021

   Sinampahan ng kasong kriminal

2. Hulyo 14, 2021

   Hinalughog ang bahay niya. Inilagay siya sa isang temporary detention center

3. Hulyo 15, 2021

   Inilipat siya sa isang pretrial detention center

4. Hulyo 21, 2021

   Umapela siya sa Department of Health ng Kurgan Region para mapalaya na siya at maipagpatuloy ang chemotherapy niya

5. Agosto 28, 2021

   Napalaya siya sa pretrial detention center dahil sa kahilingan ng European Court of Human Rights. Pinagbawalan siyang umalis ng kanilang lugar

6. Hulyo 6, 2023

   Nagsimula ang paglilitis