AGOSTO 12, 2024
RUSSIA

“Hindi Ko Nararamdamang Mag-isa Ako”

I-PLAY

Malapit nang ilabas ng Vyselkovskiy District Court of the Krasnodar Territory ang hatol nito sa kaso ni Sister Irina Zinina. Wala pang hinihiling ang prosecutor na parusa para sa kaniya.

Profile

Irina Zinina

Ipinanganak: 1987 (Norilsk, Krasnoyarsk Territory)

Maikling Impormasyon: Isang mananahi

Unang nakipag-aral ng Bibliya sa mga Saksi ni Jehova ang nanay ni Irina na si Lyudmila

Nakita ni Irina na maligaya ang mga sumusunod sa mga prinsipyo sa Bibliya. Nabautismuhan siya noong 2001

Nililitis din si Lyudmila sa isang kasong kriminal

Personal na mga Komento

Paano ka tinulungan ni Jehova?

Naniniwala akong ginagamit ni Jehova ang mga kapatid para makayanan ko ang pinagdadaanan ko ngayon. Ipinapanalangin nila ako at ang pamilya ko, at madalas nila akong pinapadalhan ng mga picture, video, o nakapagpapatibay na mga teksto at message. Pumupunta pa nga ang ilan sa kanila sa korte kapag may hearing ako. Nagpapasalamat talaga ako sa lahat ng ginagawa nila. Dahil sa suporta nila, hindi ko nararamdamang mag-isa ako. Kumbinsido ako na sa tulong ni Jehova at ng mga kapatid, matitiis ko ang anumang pagsubok.

Nagtitiwala tayo na patuloy na palalakasin ni Jehova si Irina at tayong lahat habang sinisikap nating tularan ang Diyos at ‘patuloy na iniibig ang isa’t isa.’—1 Juan 4:7.

Time Line

Pebrero 13, 2022

Hinalughog ang bahay kung saan nakatira si Irina at ang mga magulang niya
Mayo 23, 2023

Sinampahan ng kasong kriminal. Pinaratangan siya ng pakikibahagi sa mga gawain ng isang ekstremistang organisasyon dahil sa pagsasabi niya sa iba ng mga paniniwala niya
Hulyo 22, 2023

Pinagbawalan siyang umalis ng kanilang lugar
Pebrero 8, 2024

Nagsimula ang paglilitis

Tingnan Din

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE