NOBYEMBRE 8, 2022
RUSSIA

Kailangan ang Panalangin at Pagbabasa ng Bibliya Para Makapagtiis

I-PLAY

Malapit nang ibaba ng Maykop City Court of the Republic of Adygeya ang hatol nito sa kaso ni Brother Nikolay Saparov. Wala pang hinihiling ang prosecutor na parusa para sa kaniya.

Time Line

Marso 22, 2022

Sinampahan ng kasong kriminal
Marso 23, 2022

Inaresto si Nikolay habang nasa airport kasama ng asawa at anak niya. Pagkatapos ng interogasyon, inakusahan siya ng mga awtoridad ng pag-oorganisa ng mga gawain ng isang ekstremistang organisasyon. Ipinadala siya sa temporary detention center. Hinalughog din ang bahay niya
Marso 24, 2022

Inilipat si Nikolay sa pretrial detention center
Mayo 19, 2022

Nagsimula ang paglilitis

Profile

Nikolay Saparov

Ipinanganak: 1981 (Saint Petersburg, Leningrad Region)

Maikling Impormasyon: Dating supervisor sa isang trading company

Nabautismuhan bilang isang Saksi ni Jehova noong 1997. Napangasawa si Nataliya noong 2004. May isang anak sila na babae

Personal na mga Komento Mula sa Asawa ni Nikolay na si Nataliya a

Ano ang nakatulong kay Nikolay na makapagtiis habang nasa pretrial detention?

Sa loob ng tatlong buwan, dalawang beses nabasa ni Nikolay ang buong Bibliya. Kaya naging napakapositibo niya. Madalas siyang manalangin at sinabi niya na naging mas malapít siya kay Jehova. Hindi natatanggap ni Nikolay ang mga sulat namin, pero regular naming natatanggap ang mga sulat niya. Sinasabi niyang mahal na mahal niya kami at lagi niya kaming iniisip. Ikinukuwento rin niya sa amin ang mga bagay na pinag-iisipan niya at kung paano siya tinutulungan ni Jehova.

Ano ang nakakatulong sa iyo na makapagtiis?

Mula nang makulong siya, isang beses lang kaming pinayagang dumalaw sa kaniya. Napakahirap na hindi namin siya kasama. Pagkagising ko tuwing umaga, kapag naiisip kong hindi na naman namin siya makakasama, naiiyak ako. Kaya nananalangin muna ako para gumaan ang loob ko. Pagkatapos, nagbabasa ako ng Bibliya nang kahit isang oras. Dahil dito, damang-dama ko na napakalapit ni Jehova sa akin.

Ipinapaalala sa atin ng halimbawa ng pamilya Saparov na laging dinirinig ni Jehova ang ‘paghingi ng tulong’ ng tapat na mga lingkod niya.—Awit 119:147.

a Noong inihahanda ang artikulong ito, nasa pretrial detention si Brother Saparov at hindi posibleng makuha ang personal na mga komento niya.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE