NOBYEMBRE 2, 2021
RUSSIA

Limang Kapatid na Sinampahan ng Kasong Kriminal sa Sakhalin ang Nagtitiwala sa Tulong ni Jehova

I-PLAY

Noong Mayo 11, 2022, ibinasura ng Sakhalin Regional Court ang apela nina Brother Vyacheslav Ivanov, Aleksandr Kozlitin, Sergey Kulakov, Sister Tatyana Kulakova, at Brother Yevgeniy Yelin. Hindi sila mabibilanggo sa ngayon.

Noong Enero 31, 2022, hinatulan ng Nevelskiy City Court ng Sakhalin Region sina Vyacheslav, Aleksandr, Sergey, Tatyana, at Yevgeniy. Sina Sergey at Yevgeniy ay tumanggap ng suspended prison sentence na anim na taon at anim na buwan. Sina Vyacheslav, Aleksandr, at Tatyana naman ay tumanggap ng suspended prison sentence na dalawang taon.

Time Line

Hulyo 2020

Sina Vyacheslav, Aleksandr, Sergey, at Tatyana ay pinagbawalang umalis sa kanilang lugar
Abril 2, 2020

Si Yevgeniy ay pinagbawalang umalis sa kaniyang lugar
Enero 20, 2019

Ni-raid ng mga opisyal ng Federal Security Service (FSB), secret police ng Russia, ang di-kukulangin sa 11 bahay ng pinaghihinalaang mga Saksi ni Jehova. Mabagsik ang mga pulis at pinagtatanong ang menor-de-edad na mga anak sa pamilya. Nangyari ito pagkatapos ipangako ni Pangulong Vladimir Putin ng Russia na iimbestigahan ang pag-uusig sa mga Saksi ni Jehova

Profile

Sergey Kulakov

Ipinanganak: 1961 (Nevelsk, Sakhalin Region)

Maikling Impormasyon: Pinalaki siya sa isang boarding school mula sa edad na 14. Naglalaro siya ng chess at soccer noong kabataan niya. Nagtapos siya sa isang vocational school at nagsanay bilang mekaniko sa pagkukumpuni ng barko. Nagretiro na

Noong mga taon ng 2000, siya at ang asawa niyang si Tatyana ay nag-aral ng Bibliya. Dahil sa pag-ibig na nakita niya sa mga Saksi ni Jehova, nabautismuhan siya noong 2008. May dalawa silang anak na lalaki

Personal na mga Komento

Anong espesipikong mga hamon ang natiis mo sa tulong ni Jehova?

Ang pinakamahirap na hamon ay kung paano mananatiling kalmado at masaya. Dahil sa patuloy na pag-aaral ng Bibliya at pagsamba kay Jehova, naging kumbinsido ako sa sinasabi ng Salita ng Diyos: “Magiging tapat ka sa mga tapat.” (2 Samuel 22:26) Mahal na mahal ko si Jehova at nagtitiwala ako sa kaniya. Nakatulong din ito sa akin na huwag mag-alala sa maaaring mangyari sa hinaharap, dahil alam kong kontrolado niya ang lahat ng bagay.

Tatyana Kulakova

Ipinanganak: 1973 (Nevelsk, Sakhalin Region)

Maikling Impormasyon: Mahilig siya sa musika, pagbabasa, at pagdodrowing noong kabataan niya. Nagtatrabaho siya bilang isang tagapalitada at pintor. Napangasawa niya si Sergey noong 1996, at may dalawa silang anak na lalaki

Nagustuhan niya ang sinasabi ng Bibliya tungkol sa layunin ng Diyos para sa lupa at sa kalagayan ng mga patay. Nabautismuhan siya bilang Saksi ni Jehova noong 2003

Personal na mga Komento

Ano ang isang teksto sa Bibliya na nakatulong sa iyo na magkaroon ng lakas ng loob o magtiis nang may kagalakan?

Noong ni-raid nila ang bahay namin, at pagkatapos, sampahan ako ng kasong kriminal at kinailangan kong magpunta sa FSB, napatibay ako ng sinabi ni Eliseo sa kaniyang lingkod: “Mas marami ang kasama natin kaysa sa mga kasama nila.” Naiisip ko na nasa tabi ko ang Makapangyarihan-sa-Lahat, si Jehova, pati na si Jesus at ang maraming anghel. Sa tulong nila, nagawa ko kung ano ang kailangan kong gawin sa halip na masyadong mag-alala.

Yevgeniy Yelin

Ipinanganak: 1974 (Yuzhno-Sakhalinsk, Sakhalin Region)

Maikling Impormasyon: Mahilig siyang magdrowing mula pa noong kabataan siya. Nagdidisenyo siya ng bahay. May sarili siyang kompanya na nagre-renovate ng mga bahay. Nagdidisenyo rin siya at gumagawa ng mga muwebles

Nag-aral siya ng Bibliya noong nasa high school siya. Noong mga 1990, nakilala niya ang mga Saksi ni Jehova. Iginalang niya sila dahil isinasabuhay nila ang mga prinsipyo ng Bibliya. Nabautismuhan siya noong 1992. Napangasawa niya si Anastasia noong 2017

Personal na mga Komento

Ano ang maipapayo mo sa iba para makapaghanda sa pag-uusig?

Ipapayo ko sa kanila na punuin ang kanilang isip at puso ng mga katotohanan mula sa Bibliya. Napakahalagang sundin ang patnubay ng organisasyon. Nananabik tayong makita ang katuparan ng mga hula tungkol sa bagong sanlibutan, pero kasama rin sa mga hula ang tungkol sa pag-uusig na talagang mangyayari. Kung pinag-uusig tayo, natutupad sa atin ang hula. Napakalaking pribilehiyo niyan!

Alam natin na patuloy na pangangalagaan ni Jehova ang ating mahal na mga kapatid habang sinasabi rin nila ang mga salita ni propeta Isaias: “Ang Diyos ang kaligtasan ko. Magtitiwala ako sa kaniya at hindi ako matatakot.”—Isaias 12:2.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE