OKTUBRE 21, 2021
RUSSIA

Masaya sa Kabila ng Matagal na Pagkabilanggo at House Arrest sa Russia

I-PLAY

UPDATE | Noong Marso 3, 2022, ibinasura ng Astrakhan Regional Court ang apela nina Brother Rustam Diarov at Sergey Klikunov, at Brother Yevgeniy Ivanov at ang asawa niyang si Olga. Silang lahat ay mananatili sa kulungan.

Time Line

Oktubre 25, 2021

Hinatulan ng Trusovskiy District Court ng Astrakhan sina Rustam, Yevgeniy, at Sergey na makulong nang walong taon. Nahatulan namang makulong nang tatlong taon at anim na buwan si Olga na asawa ni Yevgeniy. Nakakulong na ang tatlong brother. Agad na ikinulong si Olga
Hunyo 11, 2020

Ikinulong sina Rustam, Yevgeniy, at Sergey bago pa man litisin. Si Olga ay inilagay sa house arrest
Hunyo 9, 2020

Ni-raid ng mahigit 100 security official ang mga bahay ng 27 pamilya ng mga Saksi ni Jehova sa lunsod ng Astrakhan. Sina Rustam, Yevgeniy, Olga, at Sergey ay pansamantalang ikinulong
Hunyo 8, 2020

Sinampahan ng kasong kriminal sina Rustam, Yevgeniy, Olga, at Sergey. Akusado silang lahat ng pag-oorganisa at pagpopondo ng ekstremistang mga gawain. Pinaratangan si Olga ng pakikibahagi sa ekstremistang mga gawain

Profile

Olga Ivanova

Ipinanganak: 1982 (Volzhsky, Volgograd Region)

Maikling Impormasyon: Natutong tumugtog ng accordion noong bata pa siya. Nag-aral ng linguistics at nagtuturo ng English

Noong bata pa siya, takót siya sa kamatayan. Nang tin-edyer na si Olga, nakilala ng nanay niya ang mga Saksi ni Jehova, at tinuruan siya ng nanay niya tungkol sa Bibliya. Nabautismuhan siya noong 1997

Personal na mga Komento

Ano ang nakatulong sa iyo na huwag panghinaan ng loob habang magkahiwalay kayong mag-asawa?

Pinatibay ako ng halimbawa ni Jehova at ni Jesus na magtiis. Napahiwalay si Jehova sa kaibigan niyang si Jesus nang 33 at kalahating taon para tulungan ang lahat ng tao, pati na ako. Ang mister ko ang best friend ko at miss na miss ko na siya. Pero hindi naman kami siguro magkakahiwalay nang matagal gaya [ni Jehova at ni Jesus]. Sigurado ako na matitiis natin ang lahat ng bagay sa tulong ni Jehova.

Sergey Klikunov

Ipinanganak: 1975 (Astrakhan)

Maikling Impormasyon: Isang welder nang ikulong bago pa man litisin. Siya at ang asawa niyang si Irina ay sabay na nag-Bible study. Natulungan siya ng mga prinsipyo sa Bibliya na ihinto ang paninigarilyo. Nabautismuhan siya noong 2007. Mayroon silang dalawang anak na babae. Mahilig siyang mag-fishing at tumugtog ng gitara

Personal na mga Komento

Ano ang nakatulong sa iyo na manatiling tapat sa bilangguan?

Mula nang mabilanggo ako, napahalagahan ko nang husto ang regalo ng panalangin. Napakahalaga nito. Anim na buwan na ako ngayong nasa bartolina. Ang hirap, pero nakatulong sa akin ang panalangin na matiis ang lahat ng bagay. Kapag hirap na hirap na ako, lumuluhod ako at sinasabi ko kay Jehova ang lahat ng nararamdaman ko. Pagkatapos bumubuti na ang pakiramdam ko at napapanatag na ako. Damang-dama ko ang tulong ng ating Ama sa panahong kailangang-kailangan natin ito. Lubusan akong nagtitiwala sa kaniya, kaya hindi ako natatakot.

Nakapagpapatibay malaman na hinding-hindi iiwan ni Jehova ang tapat na mga lingkod niya sa panahon ng pagsubok.—Awit 139:5, 10.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE