HULYO 25, 2023
RUSSIA

Mga Saksi sa Vladivostok na Pinalakas ng Panalangin at Pagiging Positibo

I-PLAY

Malapit nang ibaba ng Pervorechenskiy District Court ng Vladivostok ang hatol nito sa kaso nina Sister Nina Astvatsaturova, Yelena Barmakina, Ludviga Katanaeva, Yekaterina Treguba, at Yelena Tsorn, at nina Brother Igor Lonchakov at Yuriy Redozubov. Wala pang hinihiling ang prosecutor na parusa para sa kanila.

Profile

Yelena Barmakina

Ipinanganak: 1967 (Cherepanovo, Novosibirsk Region)

Maikling Impormasyon: Isang photographer

Nalaman niya ang tungkol sa mga Saksi ni Jehova nang mag-aral ng Bibliya ang nanay niya at kapatid na lalaki. Nabautismuhan siya noong 2000

Napangasawa niya si Dmitriy noong 2006. Nasentensiyahan siyang makulong nang walong taon noong 2023

Personal na mga Komento

Ano ang nakatulong sa iyo na makayanan ang mahirap na panahong iyon?

Pagkatapos halughugin ang bahay namin, kaming mag-asawa ay inaresto at ikinulong si Dmitriy. Hindi ko alam ang gagawin ko ngayong wala ang asawa ko, at hindi ko alam kung paano siya tutulungan. Hirap na hirap akong manalangin noong unang mga araw dahil masyado akong nagiging emosyonal. Pero naalala ko na kapag nag-aalala ako at hindi ko alam kung ano ang ipapanalangin, puwede kong basahin ang mga panalangin ng mga lingkod ni Jehova na nasa Bibliya at ituturing iyon ni Jehova na mga panalangin ko. (Roma 8:26) Ito ang nakatulong sa akin sa napakahirap na panahong iyon.

Igor Lonchakov

Ipinanganak: 1977 (Saratov, Saratov Region)

Maikling Impormasyon: Nagtatrabaho bilang telecommunications operator sa postal service

Naging Saksi ni Jehova ang nanay ni Igor noong nasa kolehiyo siya. Dahil nakita niyang masaya ang nanay niya sa pagiging Saksi, nag-aral siya ng Bibliya. Nabautismuhan siya noong 2008

Personal na mga Komento

Anong teksto sa Bibliya ang nakatulong sa iyo?

Dahil sa pisikal, emosyonal, pinansiyal na epekto sa akin ng paglilitis na ito, naisip ko tuloy ang magandang buhay ko noon. Sinabi ko kay Jehova ang nararamdaman ko. Pagkatapos, binulay-bulay ko ang Eclesiastes 7:10. Sabi doon: “Huwag mong sabihin, ‘Bakit ba mas maganda ang mga araw noon kaysa ngayon?’ dahil hindi katalinuhang itanong ito.” Ipinaalala ng tekstong iyon sa akin na isipin ang mga pagpapala ko: ang nanay ko, kasintahan, at mga kapatid sa kongregasyon. Tinutulungan nila akong lahat. At ang pinakamahalaga, alam kong kasama ko si Jehova. Ngayon, lagi ko nang pinasasalamatan si Jehova sa lahat ng mga pagpapalang iyon kapag nananalangin ako, imbes na sabihin lang kay Jehova ang mga problema ko.

Yuriy Redozubov

Ipinanganak: 1972 (Komsomolsk-on-Amur, Khabarovsk Territory)

Maikling Impormasyon: Noong bata siya, natuto siyang mag-painting. Naging art instructor siya

Napangasawa niya si Anastasiya noong 1998. Mayroon silang tatlong anak na babae

Magkasama nilang binabasa ang Bibliya. Masaya sila nang makilala nila ang mga Saksi ni Jehova kasi nasagot ang mga tanong nila mula sa Bibliya. Nabautismuhan si Anastasiya noong 2003 at si Yuriy naman noong 2004

Personal na mga Komento

Paano ka natulungan ng panalangin na magtiis?

Nang magsimula ang pag-uusig na ito, naging mas espesipiko ang mga panalangin ko. Determinado akong laging manalangin kay Jehova anuman ang mangyari. Isa sa mga hiniling ko kay Jehova ay maging kalmado sana ako. Nakatulong sa amin ng pamilya ko ang pananalangin para hindi kami masiraan ng loob at masyadong mag-alala. Sa halip na masiraan ng loob, iniisip kong pribilehiyo kong mapaglingkuran si Jehova sa ganitong sitwasyon. Ngayon lang ako naging ganito kalapít kay Jehova.

Yekaterina Treguba

Ipinanganak: 1991 (Vladivostok, Primorye Territory)

Maikling Impormasyon: Nagtuturo ng English

Noong bata siya, binabasa sa kaniya ng lola niya ang librong Ang Aking Aklat ng mga Kuwento sa Bibliya. Solo niyang pinag-aralan ang Bibliya noong 15 siya. Nabautismuhan siya noong 2008

Personal na mga Komento

Ano ang isa sa mga aral na natutuhan mo sa karanasang ito?

Ang isa sa pinakamahirap, y’ong mapanatili ko ang kagalakan ko sa kabila ng mga problema. Binabasa ko ang tungkol sa mga kapatid natin na nakakulong, at napansin ko na habang lalong humihirap ang kalagayan nila, mas sumasaya pa sila. Hindi ko iyon maintindihan. Pero nakatulong sa akin ang lyrics ng Kingdom song 111, na pinamagatang “Mga Dahilan ng Ating Kagalakan.” Sabi sa awit: “Tunay ang ating kagalakan,/Sa Bibliya ay nakasalig.” Napag-isip-isip ko na kailangan ko pang pag-aralan ang Bibliya at mas madalas na ipanalanging magkaroon ako ng kagalakan, na ginagawa ko na ngayon.

Yelena Tsorn

Ipinanganak: 1972 (Vladivostok, Primorye Territory)

Maikling Impormasyon: Isang educator at administrator sa isang child development center

Nalaman niya ang sagot sa mga tanong niya tungkol sa pagdurusa at kamatayan mula sa isang kapitbahay na isang Saksi ni Jehova. Nabautismuhan siya noong 2011

Personal na mga Komento

Paano ka nakakapanatiling positibo?

Kapag binabalikan ko ang nangyari sa nakalipas na ilang taon, nakukumbinsi ako na kontrolado ni Jehova ang lahat ng bagay. Alam na alam niya ang nangyayari. Lagi kong tinatandaan ang pangako ni Jehova sa Isaias 54:17: “Anumang sandata ang gawin para ipanlaban sa iyo ay hindi magtatagumpay . . . Ito ang mana ng mga lingkod ni Jehova.” Nakakatulong iyon para makapagpokus ako sa hinaharap at maging laging mapagpasalamat sa pagmamahal at pagmamalasakit ng mga kapatid.

Masaya tayo na patuloy na pinagpapala at pinangangalagaan ni Jehova ang kaniyang matuwid na mga lingkod. ‘Pinoprotektahan niya ang mga kinalulugdan niya.’—Awit 5:12.

Time Line

Agosto 6, 2019

Sinampahan ng kasong kriminal si Yelena Barmakina
Hunyo 8, 2020

Sinampahan ng kasong kriminal sina Nina, Ludviga, at Yelena Tsorn
Hunyo 17, 2020

Sinimulan ang paglilitis kay Yelena Barmakina
Hulyo 9, 2020

Hinalughog ang mga bahay nina Nina, Ludviga, Yelena Tsorn, at Yuriy. Sumailalim sa interogasyon si Yuriy. Pinagbawalan sina Nina, Ludviga, at Yelena Tsorn na umalis ng kanilang lugar
Setyembre 4, 2020

Sinampahan ng kasong kriminal si Igor
Setyembre 8, 2020

Sinampahan ng kasong kriminal si Yekaterina
Setyembre 29, 2020

Ibinalik sa prosecutor ang kaso laban kay Yelena Barmakina dahil sa kakulangan ng ebidensiya ng ekstremismo
Agosto 11, 2021

Sinampahan ng kasong kriminal si Yuriy. Kinasuhan ulit si Yelena Barmakina, at pinag-isa na lang ang lahat ng kaso sa kaniya
Setyembre 28, 2022

Nagsimula ang paglilitis

a b Hindi makakuha ng mga komento mula kina Sister Astvatsaturova at Katanaeva.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE