AGOSTO 30, 2024
RUSSIA

Nahatulan si Brother Aleksandr Salnikov ng Anim-na-Taóng Suspended Prison Sentence

I-PLAY

Noong Agosto 22, 2024, hinatulan ng Ordzhonikidzevskiy District Court of Magnitogorsk sa Chelyabinsk Region si Brother Aleksandr Salnikov at binigyan ng anim-na-taóng suspended prison sentence. Hindi pa niya kailangang makulong ngayon.

Profile

Aleksandr Salnikov

Ipinanganak: 1961 (Magnitogorsk)

Maikling Impormasyon: Nagtrabaho bilang foreman sa isang grupo ng mga nagpapatakbo ng makina sa isang kompanya bago nagretiro

Napangasawa niya si Nelly noong 1985. Mayroon silang isang anak na lalaki at isang anak na babae

Maraming katanungan si Aleksandr, gaya ng kung sino ang gumawa ng mga batas sa kalikasan. Masaya siya nang malaman niya ang tungkol sa Maylalang. Sina Aleksandr at Nelly ay nabautismuhan bilang mga Saksi ni Jehova noong 2000

Personal na mga Komento

Ano ang magandang resulta ng pagtitiis mo?

Nang makita ko ang mga impormasyon tungkol sa kaso ko noong nagsisimula na ang paglilitis sa akin, sobra akong nag-alala at pinanghinaan ng loob. Malaki ang puwedeng maging epekto ng sobrang pag-aalala sa isang tao. Nakakaapekto ito sa emosyonal, pisikal, at espirituwal. Napakahirap ng ganitong kalagayan. Pagkatapos, isang brother ang nagpaalala sa akin na kung magpapadaig ako sa pagkasira ng loob, magiging masaya si Satanas. Pero kung determinado akong manatiling tapat kay Jehova, mapapasaya ko si Jehova. Naisip ko na kailangan kong kontrolin ang emosyon ko. At tinulungan ako ni Jehova na gawin iyan. Ngayon, mas nakapokus ako sa determinasyon kong manatiling tapat kay Jehova, hindi sa sitwasyon ko. Alam kong tutulungan niya ako at palalakasin.

Nagpapasalamat tayo dahil alam natin na lagi tayong tutulungan ng ating bukas-palad na Diyos na linangin ang mga katangiang kailangan natin para matiis ang anumang pagsubok.—Galacia 5:22, 23.

Time Line

Abril 18, 2023

Sinampahan ng kasong kriminal. Pinaratangang nag-oorganisa ng mga miting sa pamamagitan na videoconference
Abril 20, 2023

Hinalughog ang ilang bahay sa Magnitogorsk, kasama na ang bahay nina Aleksandr. Ikinulong si Aleksandr sa isang temporary detention facility
Abril 22, 2023

Pinalaya mula sa temporary detention at pinagbawalang umalis ng kanilang lugar
Mayo 14, 2024

Nagsimula ang paglilitis
Agosto 22, 2024

Hinatulan at binigyan ng anim-na-taóng suspended prison sentence

Tingnan Din

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE