ENERO 30, 2024
RUSSIA

Nahatulan si Sister Sona Olopova ng Dalawang-Taóng Sapilitang Pagtatrabaho sa Isang Bilangguan

I-PLAY

Noong Enero 25, 2024, hinatulan ng Tsentralniy District Court of Tolyatti sa Samara Region si Sister Sona Olopova ng dalawang-taóng sapilitang pagtatrabaho sa isang bilangguan. Titira siya sa bilangguan at magsasagawa ng paglilingkod sa komunidad.

Profile

Sona Olopova

Ipinanganak: 1987 (Armenia)

Maikling Impormasyon: Lumipat sa Russia ang pamilya niya noong 10 taóng gulang siya. Isa siyang makeup artist

Natutuhan niya ang mga katotohanan sa Bibliya mula sa nanay niya. Nabautismuhan siya bilang Saksi ni Jehova noong 2000

Napangasawa niya si Anatoliy noong 2009

Personal na mga Komento a

Ano ang nakatulong sa iyo na magkaroon ng matibay na pananampalataya sa mahirap na panahong ito?

Inaamin ko na may mga panahong mahirap humanap ng oras para sa mas mahahalagang bagay. Halimbawa, malaking panahon ang nauubos sa paghahanda ko para sa mga pagdinig ng kaso ko sa korte. Isang araw, habang nagbabasa ako ng mga dokumento tungkol sa kaso ko, naisip ko: ‘Kailangan kong huminto, manalangin, magbasa ng Bibliya, at makinig muna kay Jehova, tsaka ako maghahanda.’ Sigurado ako na kung uunahin ko ang mas mahahalagang bagay at lubusang magtitiwala kay Jehova, magiging maayos ang lahat.

Nagtitiwala tayo na patuloy na papatnubayan at iingatan ni Jehova si Sona at ang lahat ng tapat na lingkod niya na patuloy na nagtitiwala sa kaniya.—Awit 86:2.

Time Line

Mayo 15, 2023

Sinampahan ng kasong kriminal
Mayo 16, 2023

Hinalughog ang bahay. Pinagtatanong at pinagbawalang umalis ng kanilang lugar
Setyembre 6, 2023

Nagsimula ang paglilitis
Enero 25, 2024

Nahatulan ng dalawang-taóng sapilitang pagtatrabaho sa isang bilangguan

a Ininterbyu si Sister Olopova bago siya mahatulan.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE