MARSO 6, 2024
RUSSIA

Nahatulan si Sister Yelena Kozhevnikova ng Dalawang-Taóng Suspended Prison Sentence

I-PLAY

Noong Marso 4, 2024, hinatulan ng Tsentralniy District Court of Tolyatti sa Samara Region si Sister Yelena Kozhevnikova. Tumanggap siya ng dalawang-taóng suspended prison sentence. Hindi pa siya kailangang makulong ngayon.

Profile

Yelena Kozhevnikova

Ipinanganak: 1961 (Ivanovo, Ivanovo Region)

Maikling Impormasyon: Saleslady sa isang department store. Namatay ang kaisa-isa niyang anak na lalaki sa edad na 18

Binasa niya ang buong Bibliya. Nagpa-Bible study siya sa mga Saksi ni Jehova at nahanap niya ang malinaw na sagot sa mga tanong niya. Nabautismuhan siya noong 1998

Personal na mga Komento a

Paano ka nakinabang sa mga panalangin ng iba para sa iyo?

Napatibay ng mga panalangin ng mga kapatid ang determinasyon kong huwag sumuko. Sinasagot ni Jehova ang mga panalangin nila, pati na ang sa akin, tuwing binibigyan niya ako ng kapayapaan ng isip. Nakakatulong ito para makapag-isip ako nang malinaw at makagawa ng matatalinong desisyon. Siguradong masaya si Jehova tuwing nananalangin tayo para sa isa’t isa. Nai-imagine ko siya na nakangiti habang tinitingnan tayo at nakikita tayong nagkakaisa. Dahil naranasan ko mismo kung gaano kalakas ang panalangin ng mga kapatid para sa akin, napasigla ako nito na patuloy lang na ipanalangin ang iba.

Nagpapasalamat tayo na sinasagot ni Jehova ang mga panalangin natin at binibigyan niya ng ‘lakas sa pamamagitan ng kapangyarihan ng espiritu niya’ si Yelena at ang lahat ng kapatid na nagtitiis ng pag-uusig.—Efeso 3:16.

Time Line

Mayo 15, 2023

Sinampahan ng kasong kriminal
Mayo 16, 2023

Hinalughog ang bahay niya
Mayo 18, 2023

Pinagbawalang umalis ng kanilang lugar
Agosto 16, 2023

Nagsimula ang paglilitis
Marso 4, 2024

Nahatulan ng dalawang-taóng suspended prison sentence

a Nakuha ang mga sinabi ni Sister Kozhevnikova bago siya masentensiyahan.

Tingnan Din

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE