MAYO 9, 2024
RUSSIA

‘Nakapokus Ako sa Magandang Kinabukasan’

I-PLAY

Malapit nang ilabas ng Lesosibirsk City Court of the Krasnoyarsk Territory ang hatol nito sa kaso ni Brother Andrey Shiyan. Wala pang hinihiling ang prosecutor na parusa para sa kaniya.

Profile

Andrey Shiyan

Ipinanganak: 1969 (Lesosibirsk, Krasnoyarsk Territory)

Maikling Impormasyon: Isang customs specialist. Tinitiyak niya na ayon sa batas ang paglalabas at pagpapasok ng mga produkto sa bansa

Napangasawa si Inna noong 1992. May isa silang anak na babae

Unang nakipag-aral sa mga Saksi ni Jehova si Inna, ang nanay nito, at ang nakababata nitong kapatid na lalaki. Pumayag si Andrey na dumalo sa pulong, at nakita niya na talagang lohikal ang Bibliya

Nabautismuhan si Inna noong 2001, at si Andrey naman noong 2002

Personal na mga Komento

Ano ang nakatulong sa iyo na mapanatili ang kapayapaan ng isip?

Naranasan ko ang sinasabi sa Roma 15:13: “Dahil nagtitiwala kayo sa Diyos, na nagbibigay ng pag-asa, punuin nawa niya ang inyong puso ng kagalakan at kapayapaan, nang sa gayon ay mapuno kayo ng pag-asa sa pamamagitan ng kapangyarihan ng banal na espiritu.” Nakatulong sa akin ang pagbubulay-bulay sa pag-asa ko. Kapag natatakot ako o nagdududa, ini-imagine ko ang sarili ko sa bagong sanlibutan. Habang mas madalas kong ginagawa ’yan, mas nababawasan ang pag-aalala ko sa mga nangyayari. Nagbibigay ’yan sa akin ng lakas at natutulungan ako na magpokus, hindi sa mga problema ko, kundi sa magandang kinabukasan na naghihintay sa akin at sa ating lahat.

Gaya ni Andrey, mapatibay sana tayo at mapalakas ng mga pangako ni Jehova habang ‘umaasa tayo sa salita niya.’—Awit 119:114.

Time Line

Nobyembre 25, 2021

Hinalughog ang bahay
Abril 11, 2023

Hinalughog muli ang bahay. Sinampahan ng kasong kriminal. Pinagbawalang umalis ng kanilang lugar
Disyembre 29, 2023

Nagsimula ang paglilitis

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE