ABRIL 20, 2023
RUSSIA

Napapatibay si Brother Okhapkin sa Pagmamasid sa mga Nilalang

I-PLAY

Malapit nang ibaba ng Kineshemskiy City Court ng Ivanovo Region ang hatol nito sa kaso ni Brother Andrey Okhapkin. Wala pang hinihiling ang prosecutor na parusa para sa kaniya.

Profile

Andrey Okhapkin

Ipinanganak: 1962 (Zavolzhsk, Ivanovo Region)

Maikling Impormasyon: Nagtrabaho bilang computer programmer at physics teacher

Napangasawa si Irina noong 1987. Nagpa-Bible study si Irina sa mga Saksi ni Jehova noong 1994. Nagpa-study rin si Andrey pagkatapos makumbinsi tungkol sa pag-iral ng isang Maylalang. Sabay nabautismuhan noong 1995.

Personal na mga Komento

Ano ang nakatulong sa iyo na madaig ang pagkasira ng loob habang naka-house arrest?

Nakatulong sa akin ang espesipikong mga panalangin kay Jehova, kahit maikli. Iniisip ko rin si Job kapag nasisiraan ako ng loob. Ginamit ni Jehova ang mga nilalang Niya para ipaalala kay Job ang Kaniyang magagandang katangian. Gayundin ang ginawa ko. Gustong-gusto kong pagmasdan ang pagsikat ng araw, mga ulap, langit, at mga puno. Hangang-hanga ako sa husay ng mga ibon na lumipad. Natutuwa ako sa mga kuting at tuta sa labas ng gusali namin. Mga limang buwan kong pinagmamasdan ang lahat ng ito habang nasa balkonahe ako. Nakatulong ito para maunawaan ko ang mga katangian ni Jehova. Alam ko na ngayon na talagang mapagmahal na Ama si Jehova.

Paano ka napatibay ng iba na nagtitiis din ng mga pagsubok?

Habang nasa pretrial detention ako, nakatanggap ako ng isang liham galing sa isang brother na nakabilanggo. Sabi niya: “Tinatanong ako ng mga tao, ‘Natatakot ka ba?’ Sinasabi ko sa kanila na natatakot din ako. Pero kailangan nating daigin ang takot, kaya kailangan natin ng lakas ng loob. Bilang mga lingkod ni Jehova, kilala tayo sa pagkakaroon ng lakas ng loob kasi kapag nagkulang tayo nito, binibigyan tayo ni Jehova. Tandaan mo na mahalaga kung gaano kalaki ang pananampalataya natin, hindi kung gaano kalaki ang mga problema.” Nakatulong ang pagbabasa ko sa karanasan niya at ng iba pang kapatid. Ipinapaalala kasi ng mga ito na kailangan kong palakasin ang kaugnayan ko kay Jehova at punuin ang isip at puso ko ng tungkol kay Jehova at ng kaniyang Salita.

Gaya ni Andrey, nagpapasalamat tayo sa “kamangha-manghang mga gawa ng Diyos,” na nagpapaalala sa atin ng Kaniyang maibiging pangangalaga.—Job 37:14.

Time Line

Nobyembre 18, 2021

Sinampahan ng kasong kriminal
Nobyembre 23, 2021

Hinalughog ang anim na bahay ng mga Saksi ni Jehova, pati ang bahay ni Andrey. Inaresto at inilagay sa temporary detention
Nobyembre 24, 2021

Inakusahan ng korte ng paggawa ng isang krimen
Nobyembre 25, 2021

Dinala sa pretrial detention
Pebrero 17, 2022

Pinalaya mula sa pretrial detention at inilagay sa house arrest
Hulyo 14, 2022

Pinalaya mula sa house arrest at pinagbawalang magbiyahe
Disyembre 15, 2022

Nagsimula ang paglilitis

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE