MAYO 20, 2022
RUSSIA

Natitiis ng mga Pamilya ang Pag-uusig sa Tulong ni Jehova

I-PLAY

Malapit nang ilabas ng Sovietskiy District Court sa Lunsod ng Oryol ang hatol nito sa kaso nina Brother Vladimir Melnik, Vladimir Piskarev, at Artur Putintsev. Wala pang hinihiling ang prosecutor na parusa para sa kanila.

Time Line

Disyembre 8, 2020

Sinampahan ng kasong kriminal sina Brother Melnik, Piskarev, at Putintsev
Disyembre 9, 2020

Hinalughog ng mga pulis ang mga bahay ng walong pamilya ng mga Saksi ni Jehova sa Oryol, kasama ang bahay ng tatlong brother na iyon. Dinala sila sa isang temporary detention facility
Disyembre 11, 2020

Dinala sina Brother Melnik at Piskarev sa pretrial detention center
Disyembre 14, 2020

Dinala si Brother Putintsev sa pretrial detention center
Enero 19, 2021

Ipinaalam sa mga awtoridad na si Brother Piskarev ay may ilang karamdaman pero hindi siya binigyan ng gamot at hindi rin pinayagang magpagamot
Enero 21, 2021

Si Brother Piskarev ay pinayagang tumanggap ng gamot na dala ng asawa niya pero hindi pa rin siya pinayagang magpagamot
Hunyo 24, 2021

Nasuri si Brother Piskarev sa isang ospital, at nalamang na-stroke siya. Ibinalik siya sa pretrial detention center sa kabila ng karamdaman niya
Oktubre 29, 2021

Opisyal na inakusahan ang mga brother ng pag-oorganisa ng mga gawain ng isang ekstremistang organisasyon
Enero 31, 2022

Nagsimula ang paglilitis

Profile

Vladimir Melnik

Ipinanganak: 1965 (Donetsk, Ukraine)

Maikling Impormasyon: Naglingkod bilang isang opisyal ng militar. Nang maglaon, nagtrabaho bilang isang engineer

Napangasawa si Irina noong 1987. Mayroon silang tatlong anak na babae. Namatay ang anak na lalaki noong 1991

Pinalaking ateista. Silang mag-asawa ay naging interesado sa Bibliya pagkatapos pag-aralan ang tungkol sa buhay ni Jesus. Nabautismuhan noong 1992

Personal na mga Komento Mula sa Asawa ni Vladimir na si Irina a

Paano nakatulong kay Vladimir ang pagpokus sa iba habang nasa pretrial detention center?

Kami ng mga anak ko ay patuloy na tinuturuan ni Vladimir sa family worship namin [sa pamamagitan ng mga liham niya]. Madalas na ginagawa niya ito sa pamamagitan ng mga tula, kuwento, ilustrasyon, laro, crossword puzzle, at mga teksto sa Bibliya.

Nagdaraos pa nga siya ng Bible study sa isa sa mga bilanggo. . . . Inilipat ang binatang ito sa ibang lunsod. Sabi ni Vladimir na itinuturo ng binata sa mga bilanggo doon ang natutuhan niya.

Vladimir Piskarev

Ipinanganak: 1956 (Karpinsk, Sverdlovsk Region)

Maikling Impormasyon: Isang engineer. Napangasawa si Tatyana noong 1976. Mayroon silang isang anak na lalaki at isang babae. Dahil sa natutuhang katotohanan tungkol kay Jesus, silang mag-asawa ay nagpa-Bible study sa mga Saksi ni Jehova. Nabautismuhan noong 1995

Personal na mga Komento Mula sa Asawa ni Vladimir na si Tatyana b

Ano ang nakatulong sa asawa mo na matiis ang kalagayan niya?

Naniniwala si Vladimir na isang pagpapala at pampatibay kapag may nakikilala siya na maraming tanong. Gaya ng sabi niya, “Napakasayang maging abala sa gawain ng Panginoon—kahit nasa detention center ako!” Kahit nasaan siya, madalas na kumakanta ang asawa ko ng mga awiting pang-Kaharian. Gustong-gusto niya ang awit na “Hindi Tayo Susuko.” Pinapatibay nito ang pananampalataya niya, at tinutulungan siya na manatiling tapat kay Jehova. Sa maraming pagkakataon, isinusulat niya sa akin ang mga salita sa awit na ito: “Hindi tayo susuko./Manalig sa ’ting Diyos./Tapat kaniyang pangako,/Dahil pag-ibig niya sa ’ti’y lubos.”

Artur Putintsev

Ipinanganak: 1970 (Chita, Trans-Baikal Territory)

Maikling Impormasyon: Panganay sa anim na anak. Nagtrabaho bilang isang electrician, magsasaka, at taxi driver. Napangasawa si Lyudmila noong 1993. Nabautismuhan noong 2005

Personal ng mga Komento Mula sa Asawa ni Artur na si Lyudmila c

May maaalala ka bang pagkakataon kung kailan nadama mo na talagang tinulungan ka ni Jehova?

Nang arestuhin ang asawa ko, kinuha ng imbestigador ang lahat ng gadyet namin, pati mga phone namin. Nag-iisa ako [at wala akong paraan para makontak ang sinuman]. Shock na shock ako noon. Humingi ako ng tulong kay Jehova sa panalangin. Hiniling ko sa kaniya na tulungan akong makausap ang mga kapatid para masabi sa kanila ang nangyari. Kaaalis lang ng kotseng nagdala kay Artur nang dumating ang mga brother. Pinatibay nila ako at binigyan ng isang phone. Hindi nila ako pinabayaan sa buong taon na iyon, at kahit ngayon, tinutulungan nila ako. Alam kong sasagutin ni Jehova ang mga panalangin ko sa tamang panahon at na naiintindihan niya ako.

Kahit na pansamantalang magkahiwalay ang mga pamilyang ito, nakakapagpatibay malaman na walang makapaghihiwalay sa kanila mula sa maibiging pangangalaga at proteksiyon ni Jehova.—Roma 8:38, 39.

a b c Dahil sina Brother Melnik, Piskarev, at Putintsev ay kasalukuyang nasa pretrial detention, hindi posibleng makuha ang mga komento nila.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE