HULYO 14, 2021
RUSSIA

Paghahanda Para sa Pag-uusig—Nakatulong sa Tatlong Brother na Manatiling Tapat

I-PLAY

Time Line

Malapit nang ilabas ng Ussuriyskiy District Court ng Primorye Territory ang hatol nito sa kaso nina Brother Anton Chermnykh, Sergey Korolchuk, at Dmitriy Tishchenko. a Wala pang hinihiling ang prosecutor na parusa para sa kanila
Setyembre 23, 2020

Nagsimula ang mga pagdinig sa korte sa kaso nina Anton, Sergey, at Dmitriy
Hulyo 7, 2020

Opisyal na kinasuhan sina Anton, Sergey, at Dmitriy ng pagiging lider ng ipinagbabawal na “ekstremistang” relihiyosong organisasyon
Hunyo 18, 2019

Inilagay si Sergey sa pretrial detention nang dalawang araw

Profile

Anton Chermnykh

Ipinanganak: 1987 (Magdeburg, Germany)

Maikling Impormasyon: May kakambal na lalaki. Bata pa nang iwan ng tatay nila ang pamilya. Mula nang magtapos sa pag-aaral, nagtrabaho bilang computer engineer

Nalaman ang katotohanan mula sa nanay niya. Gustong-gusto ang malinaw na mensahe ng Bibliya tungkol sa layunin ng buhay. Nabautismuhan bilang Saksi ni Jehova noong 2004. Napangasawa si Yekaterina noong 2013. May anak silang babae, si Milana

Personal na mga Komento

Paano ka naghanda para sa posibleng pag-uusig?

Madalas kong pag-isipan iyon, at ini-imagine ko ang iba’t ibang posibleng mangyari sa akin o sa pamilya ko. Sinikap kong sumunod sa iskedyul ng personal study. Nang magsimula ang pag-aresto sa mga Saksi ni Jehova sa Russia, alam ko na puwede akong makulong sa isang temporary detention facility nang walang Bibliya o literatura.

Sergey Korolchuk

Ipinanganak: 1967 (Vladivostok, Primorye Territory)

Maikling Impormasyon: Sumama sa militar at naging agent sa Committee for State Security (KGB). Nagtrabaho bilang loader at machine operator sa isang kompanya ng mga muwebles. Nagtrabaho bilang janitor. Napangasawa si Yelena noong 1989. Dalawa ang anak nila

Gustong-gusto niya ang paliwanag ng Bibliya tungkol sa mga nangyayari sa mundo at sa pag-asa sa hinaharap. Nabautismuhan bilang Saksi ni Jehova noong 1993

Personal na mga Komento

Ano ang natutuhan mo sa mahirap na panahong ito na tutulong sa iyo kapag nasubok ang pananampalataya mo sa hinaharap?

Nagkakatotoo ang lahat ng sinabi ni Kristo. Hindi natin kailangang masyadong mag-alala. Sa halip, manatili tayong kalmado at, kung posible, mataktika at magalang nating sabihin sa iba ang katotohanan. Handa kong tanggapin ang anumang hatol ng korte, at handa rin ang pamilya ko.

Habang nagpapatuloy ang paglilitis sa kanila, alam natin na pagpapalain ni Jehova ang katapatan nina Anton, Sergey, at Dmitriy.—Kawikaan 28:20.

a Hindi laging ipinapaalám kung kailan ang petsa ng paghatol ng korte.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE