HULYO 31, 2024
RUSSIA

Pinatawan ng Suspended Prison Sentence si Sister Yuliya Globa

I-PLAY

Noong Hunyo 25, 2024, hinatulan ng Unechenskiy District Court of the Bryansk Region si Sister Yuliya Globa. Pinatawan siya ng suspended prison sentence na dalawang taon at anim na buwan. Hindi niya kailangang makulong ngayon.

Profile

Yuliya Globa

Ipinanganak: 1982 (Ukraine)

Maikling Impormasyon: Nagtrabaho bilang isang English teacher

Gusto niyang malaman kung ano ang nangyayari sa atin kapag namatay tayo. Naaliw siya nang malaman niya ang mga sagot sa tanong niya mula sa Bibliya. Nabautismuhan si Yuliya at ang dalawa niyang nakababatang kapatid na babae bilang mga Saksi ni Jehova noong 2003

Napangasawa si Ernst noong 2018

Personal na mga Komento

Ano ang nakatulong sa iyo na manatiling malapít kay Jehova sa mahirap na panahong ito?

May sinabi noon ang isang brother sa akin at sa asawa kong si Ernst na nakatulong sa akin. Sinabi niya na ang pag-uusig na ito ay hindi isang legal na laban kundi isang espirituwal na laban. At itinuturing tayo ni Jehova na matagumpay kung patuloy tayong nagtitiis. Nang pag-isipan ko ang sitwasyon ko habang iniisip iyan, naging kalmado ako at naging payapa ang isip ko. Proud akong manatiling tapat para kay Jehova.

Nakatulong din sa akin ang panalangin. Sa gabi, inililista ko ang mga pagpapala sa akin ni Jehova nang araw na iyon. Nananalangin ako kay Jehova araw-araw para pasalamatan siya sa pag-ibig na ipinapakita niya sa akin habang ibinubuhos ko ang laman ng puso ko sa kaniya. Tinitiyak sa akin nito na lagi siyang nasa tabi ko at para bang niyayakap ako.

Nagpapasalamat tayong malaman na puwede rin nating ‘ibuhos kay Jehova ang laman ng puso natin,’ na nagtitiwalang siya ang magiging kanlungan natin.—Awit 62:7, 8.

Time Line

Mayo 31, 2023

Sinampahan ng kasong kriminal
Hunyo 22, 2023

Hinalughog ang bahay. Pinagtatanong sina Yuliya at Ernst
Setyembre 28, 2023

Pinagbawalang umalis ng kanilang lugar
Enero 31, 2024

Nagsimula ang paglilitis
Hunyo 25, 2024

Nahatulan at nabigyan ng suspended prison sentence na dalawang taon at anim na buwan

Tingnan Din

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE