OKTUBRE 18, 2022
RUSSIA

“Proud Akong Dalhin ang Pangalan ni Jehova”

I-PLAY

Noong Oktubre 10, 2022, hinatulan ng Kezhemskiy District Court of the Krasnoyarsk Territory si Brother Ildar Urazbakhtin. Sinentensiyahan siya ng anim-na-taóng suspended prison sentence at hindi kailangang makulong ngayon.

Time Line

Hulyo 20, 2021

Mga limang bahay ng mga Saksi ni Jehova ang hinalughog sa lunsod ng Kodinsk, kasama na ang bahay ni Ildar at ng pamilya niya. Inilagay siya sa temporary detention facility
Hulyo 21, 2021

Pinalaya at inilagay sa house arrest. Pinagbawalang gumamit ng telepono o Internet
Setyembre 20, 2021

Pinalaya mula sa house arrest at pinagbawalang magbiyahe
Enero 13, 2022

Kinasuhan dahil nagdaos ng mga video conference kung saan “hinihimok niya ang mga kapatid na pag-aralang mabuti ang Bibliya at tulungan ang isa’t isa”
Marso 30, 2022

Nagsimula ang paglilitis

Profile

Ildar Urazbakhtin

Ipinanganak: 1963 (Bratsk, Irkutsk Region)

Maikling Impormasyon: Nag-aral ng electrical engineering. Nagtatrabaho bilang isang industrial safety inspector

Napangasawa si Gulnora noong 1987. Nanalangin sa Diyos para magkaroon ng makabuluhang buhay. Nakilala ang mga Saksi ni Jehova at nagpa-Bible study. Nabautismuhan noong 1999. Nabautismuhan si Gulnora noong 2006

Mayroon silang isang anak na lalaki, isang anak na babae, at tatlong babaeng apo

Personal na mga Komento

Paano ka pinatibay ni Jehova noong nasa detention center ka?

Nang ilagay nila ako sa detention facility, hindi ko alam kung ano’ng gagawin ko o aasahan ko. Pinatibay ako ni Jehova sa kamangha-manghang paraan. Isa sa mga bantay ang lumapit sa bintana ng selda ko at nagtanong: “May gusto ka bang basahin?” Sagot ko: “May Bibliya ka ba?” Dinalhan niya ako ng Bibliya at maraming oras kong binasa ang ilan sa paborito kong mga kuwento sa Bibliya. Nang malaman ng isa pang bantay na naniniwala ako sa Diyos, tinanong niya ako ng iba’t ibang tanong. Mga ilang oras kaming nag-usap. Iyon talaga ang kailangan ko.

Ano ang nakatulong sa iyo na manatiling matatag?

Sabi sa Kawikaan 28:1: “Ang masasama ay tumatakas kahit walang humahabol sa kanila, pero ang mga matuwid ay di-natitinag gaya ng leon.” Nakikita ko ang mga umuusig sa akin at hindi ako nahihiya kasi alam kong wala akong ginawang masama. Wala akong dapat ikahiya. Proud akong dalhin ang pangalan ni Jehova! Lalo lang kaming lumalakas dahil sa pag-uusig na nararanasan namin. Tapat si Jehova nang sabihin niya na tatapusin niya ang ating pagsasanay at palalakasin niya tayo.—1 Pedro 5:10.

Ang mga karanasan ni Ildar at ng iba pa nating mga kapatid sa Russia ay nagpapaalala sa atin na ang ating Diyos, si Jehova, ay handang tumulong “kapag may mga problema.”—Awit 46:1.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE