ENERO 20, 2022
RUSSIA

Sa Lunsod ng Karpinsk, Pagtitiwala kay Jehova at Matibay na Pananampalataya ang Nakatulong sa mga Kapatid

I-PLAY

Malapit nang ibaba ng Karpinsk City Court ng Sverdlovsk Region ang hatol nito sa kaso nina Sister Darya Dulova, Venera Dulova, Brother Aleksandr Prianikov at ng asawa niyang si Sister Anastasiya Prianikova, at Sister Svetlana Zalyaeva. Wala pang hinihiling ang prosecutor na parusa para sa kanila

Time Line

Enero 27, 2020

Hinatulang nagkasala sina Aleksandr, Darya, at Venera sa magkakahiwalay na kaso laban sa kanila
Pebrero 2020

Isinampa ang ikalawang kasong kriminal kina Aleksandr, Darya, at Venera
Marso 30, 2020

Hinalughog ng mga awtoridad ang mga bahay ng mga akusado at kinumpiska ang kanilang elektronikong mga gadyet
Mayo 19, 2020

Isinama rin sina Anastasiya at Svetlana sa kriminal na kaso. Pinagbawalan silang umalis ng kanilang lugar
Abril 29, 2021

Nagsimula ang paglilitis

Profile

Venera Dulova

Ipinanganak: 1968 (Karpinsk, Sverdlovsk Region)

Maikling Impormasyon: Pinalaki ng nanay at lola niya. Mahilig maggantsilyo, magbasa, at mag-aral. Namatay ang nanay at lola niya bago pa siya mag-17 years old. Nag-asawa noong 1990. May tatlong anak

Nag-iisip kung bakit tayo namamatay at kung ano ang magiging kinabukasan ng mga anak niya. Nagpa-Bible study sa mga Saksi ni Jehova noong 28 siya. Nabautismuhan noong 1998

Personal na mga Komento

Paano ka tinulungan ni Jehova?

Maganda na ang pakikitungo sa akin ng asawa ko at ng mga kapamilya ko na dating salansang. Pinupuri ako ng asawa ko at pinatitibay ako na manatiling tapat. . . . Tinutulungan din kami ni Jehova sa pamamagitan ng mababait na pananalita at pagmamalasakit ng ating mga kapatid.

Pagkatapos halughugin ng mga pulis ang bahay ko, ang unang naisip ko: “Inaakusahan ako ng isang krimen, imposible ’yon! Para itong bangungot!’ Pero sinabi ng kaibigan ko na isipin ko, ‘Nakaya ito ni Jesus, kaya ko rin.’

Aleksandr Prianikov

Ipinanganak: 1987 (Udinsk, Khabarovsk Territory)

Maikling Impormasyon: Mahilig sa musika. Tumutugtog ng accordion. Isang electrician sa isang pabrika. Gumagawa ngayon ng mga decorative tiles

Naniniwalang umiiral ng Diyos. Naantig sa pangako ng Diyos na hindi na kailanman mamamatay ang mga tao. Nabautismuhan noong 2004. Napangasawa si Anastasiya noong 2011

Personal na mga Komento

Paano ka pinatibay ng mga kapuwa mo Saksi sa mahihirap na panahong ito?

Tinulungan ako ng isang brother na pag-isipan ang sinasabi sa Awit 139:1. Sinabi niya: “Mahal na mahal ka ni Jehova at alam niya ang iniisip, nadarama, sinasabi, at ginagawa mo. . . . Alam ni Haring David kung gaano kainteresado si Jehova sa bawat isa sa atin. . . . Nalalaman niya ang lahat ng nangyayari sa atin. Hindi tayo kailanman nag-iisa.” Nakaantig ito nang labis sa puso ko. Araw-araw nadarama akong nasa tabi ko si Jehova.

Anastasiya Prianikova

Ipinanganak: 1987 (Karpinsk, Sverdlovsk Region)

Maikling Impormasyon: Siya at ang kuya niya ay pinalaki ng nanay nila. Mahilig kumanta at manahi

Nagustuhan niya ang pangako ng Bibliya na mapayapang kinabukasan. Nalaman niya na ang Bibliya ay naglalaman ng praktikal at matalinong mga payo. Nabautismuhan noong 2002. Napangasawa si Aleksandr noong 2011

Personal na mga Komento

Paano tumibay ang pagtitiwala mo kay Jehova sa mahihirap na panahong ito?

Lalong tumibay ang pananampalataya ko sa halos tatlong taon ng paglilitis. Lalo akong nagtiwala kay Jehova. Alam ko na kontrolado ni Jehova ang lahat ng bagay. May mga panahon na parang hindi na namin kaya, pero tinutulungan niya kaming makayanan ito. Napansin ko rin na habang mas matindi ang pag-uusig, lalong gusto kong gawin ang kalooban ni Jehova.

Habang patuloy na pinag-uusig ang ating mga kapatid sa Russia, nakakapagpatibay ng pananampalataya na makita ang maibiging pangangalaga at tulong ni Jehova sa kanila. Ang subók na pananampalataya nila ay nagdudulot ng “kapurihan at kaluwalhatian at karangalan” sa pangalan ni Jehova.—1 Pedro 1:7.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE