AGOSTO 18, 2021
RUSSIA

Sister Viktoriya Verkhoturova, Nananatiling Masaya Kahit Sinampahan ng Kasong Kriminal

I-PLAY

Time Line

Noong Nobyembre 29, 2021, sinentensiyahan ng Priokskiy District Court ng Nizhny Novgorod si Sister Viktoriya Verkhoturova ng apat-na-taóng suspended prison sentence. Hindi siya mabibilanggo sa ngayon
Hulyo 17, 2020

Pinagbawalang magbiyahe si Viktoriya
Marso 26, 2020

Sinampahan ng kasong kriminal si Viktoriya
Hulyo 17, 2019

Limang oras na hinalughog ng 10 pulis at ng imbestigador ang bahay niya. Inihiwalay nila si Viktoriya sa asawa niyang si Sergey sa ibang silid. Para matakot si Viktoriya, sinabi ng mga pulis na napakahirap ng buhay sa bilangguan

Profile

Viktoriya Verkhoturova

Ipinanganak: 1976 (Uzbekistan)

Maikling Impormasyon: Bunso sa tatlong magkakapatid na babae. Isang nars. Mahilig mag-swimming at mag-hiking

Noong bata pa, nag-iisip na kung bakit napakaikli ng buhay at takot siyang mamatay. Nagkainteres makipag-aral ng Bibliya sa mga Saksi ni Jehova nang makita ang larawan na ginawa ng isang artist tungkol sa paraiso na ipinangako sa Bibliya at nang malaman niya na aalisin ang kamatayan. Nabautismuhan noong 1998. Napangasawa si Sergey noong 2001

Personal na mga Komento

Ano ang nakatulong sa iyo na manatiling masaya at huwag masyadong mag-alala?

Bukod sa pagbabasa ng Bibliya araw-araw at pag-aaral ng pang-araw-araw na teksto, madalas na rin kaming nakikinig ng mga original song mula sa JW Broadcasting. Naging goal ko rin na araw-araw na ipanalangin na maging masaya sana ako at mahalin ko sana ang mga kaaway ko. Kaya lagi pa rin akong masaya.

Paano lalong tumibay ang kaugnayan mo kay Jehova dahil sa karanasang ito?

Mas lalong naging totoo sa akin si Jehova. Isa siyang mapagmahal na Ama. Nakita ko kung paano niya kami tinutulungang mag-asawa. Nananalangin ako at nararamdaman kong kasama namin siya habang nililitis kami sa korte. Kalmado at panatag ako.

May teksto ba na nakatulong sa iyo na manatiling masaya habang nagtitiis?

Awit 118:6, 7. Ipinapaalala nito sa akin na bale-wala ang mga kaaway natin kumpara sa Dakilang Maylalang ng uniberso. Kontrolado niya ang lahat ng bagay, at walang magagawa ang mga tao para pigilan siyang gawin ang kalooban niya. Ligtas ako sa bisig ng Diyos!

Sa kabila ng pag-uusig, nananatiling masaya ang mga kapatid natin sa Russia sa tulong ni Jehova. Alam natin na patuloy niyang paglalaanan ang mahal nating mga kapatid ng “kagalakan at kapayapaan.”—Roma 15:13.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE