Malapit nang ibaba ng Babushkinskiy District Court ng Moscow ang hatol nito sa kaso nina Brother Ivan Chaykovskiy, Yuriy Chernyshev, Vitaliy Komarov, Sergey Shatalov, at Vardan Zakaryan. Wala pang hinihiling ang prosecutor na parusa para sa kanila.

1. Nobyembre 24, 2020

   Ni-raid ng mga pulis ng Russia ang di-kukulangin sa 20 bahay ng mga Saksi ni Jehova sa Moscow. Inilagay ng mga pulis sina Ivan, Yuriy, Vitaliy, at Sergey sa temporary detention center nang magkakahiwalay. Kinuhanan ng video ang paghalughog at ang interogasyon kay Yuriy at sa pamilya niya saka ito ipinalabas sa State television news channels

2. Nobyembre 26, 2020

   Pinalaya si Sergey sa kulungan at inilagay sa house arrest. Si Vardan, na naospital dahil sa tinamong mga sugat noong pag-raid, ay inilipat sa temporary detention center na nakabukod

3. Nobyembre 27, 2020

   Pinalaya ng korte sina Ivan, Yuriy, at Vitaliy sa temporary detention center at inilagay sa house arrest

4. Nobyembre 30, 2020

   Pinalaya ng mga awtoridad si Vardan mula sa detention center at inilagay sa house arrest. Pagkatapos, nagsampa siya ng reklamo sa prosecutor’s office tungkol sa paggamit ng ilegal na panggigipit

5. Pebrero 16, 2022

   Nagsimula ang paglilitis

Napapatibay tayong makita na malapit si Jehova sa ating mahal na mga kapatid at sa kanilang mga pamilya dahil sa kanilang pagsisikap na maging malapít sa kaniya.—Santiago 4:8.