NOBYEMBRE 27, 2023
RUSSIA

“Tutulungan Ako ni Jehova”

I-PLAY

Malapit nang ilabas ng Dzerzhinskiy District Court of Yaroslavl ang hatol nito sa kaso ni Brother Anton Kokovin. Wala pang hinihiling ang prosecutor na parusa para sa kaniya.

Profile

Anton Kokovin

Ipinanganak: 1990 (Yaroslavl, Yaroslavl Region)

Maikling Impormasyon: Nagtatrabaho bilang isang communications engineer

Tinuruan siya ng nanay niya ng mga prinsipyo sa Bibliya mula pagkabata. Noong tin-edyer na siya, seryoso niyang pinag-isipan ang tungkol sa buhay. Nabautismuhan siya bilang isang Saksi ni Jehova noong 2009

Personal na mga Komento

Ano ang nakatulong sa iyo na patuloy na magtiwala kay Jehova?

Inihula ni Jesus na pag-uusigin ang mga tagasunod niya. Kaya alam ni Jehova kung ano ang nangyayari, at alam niya rin kung paano ako tutulungan. Kapag may tinatanggap akong payo at tagubilin mula sa Bibliya at sa organisasyon, laging iyon ang eksaktong kailangan ko para makapanatili akong tapat. Iniisip ko rin ang nakasulat sa Awit 30:11: “Pinalitan mo ng pagsasayaw ang pagdadalamhati ko; inalis mo ang aking telang-sako, at binihisan mo ako ng pagsasaya.” Hindi ko alam ang mga puwedeng mangyari sa akin. Pero nagtitiwala ako na matutupad din sa akin ang tekstong ito. Sigurado akong tutulungan ako ni Jehova at gagawin niya ang pinakamabuti para sa akin.

Nagtitiwala rin tayo na saganang pagpapalain ni Jehova ang pananampalataya at pagtitiis ng lahat ng panig sa pamamahala niya.—Hebreo 11:6.

Time Line

Mayo 18, 2022

Sinampahan ng kasong kriminal
Mayo 19, 2022

Hinalughog ang bahay. Pinagtatanong
Hunyo 6, 2022

Inakusahan na nakikibahagi sa mga gawain ng isang ekstremistang organisasyon at pinagbawalang umalis ng kanilang lugar
Mayo 29, 2023

Nagsimula ang paglilitis

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE