PEBRERO 13, 2023 | UPDATED: NOBYEMBRE 6, 2023
RUSSIA

UPDATE—APELA | Pinag-usig ang Tatlong Pamilya sa Yaroslavl

I-PLAY

Noong Oktubre 30, 2023, pinagaan ng Dzerzhinsky District Court of Yaroslavl ang hatol kina Brother Pyotr Filiznov at Andrey Vyushin dahil sa apela ng mga ito. Ang suspended sentence nila na anim at kalahating taon ay naging dalawa at kalahating taon na lang. Hindi nagbago ang sentensiya kay Brother Aleksandr Kuznetsov at sa asawa niyang si Mariya.

Noong Agosto 3, 2023, hinatulang may-sala ng Dzerzhinsky District Court of Yaroslavl si Brother Pyotr Filiznov; si Brother Aleksandr Kuznetsov at ang kaniyang asawa na si Sister Mariya Kuznetsova; at si Brother Andrey Vyushin. Tumanggap ng suspended prison sentence ang bawat isa sa kanila. Sina Andrey at Pyotr ay sinentensiyahan ng anim at kalahating taon; dalawa at kalahating taon naman para kina Aleksandr at Mariya. Hindi sila makukulong sa ngayon.

Profile

Aleksandr Kuznetsov

Ipinanganak: 1982 (Moscow, Moscow Region)

Maikling Impormasyon: Nagturo ng English at Mathematics

Nag-aral ng Bibliya noong Abril 2000. Humanga sa pag-ibig na ipinakita ng mga Saksi ni Jehova. Nabautismuhan noong 2002

Napangasawa si Mariya noong 2017. Paglaya ni Aleksandr, nalaman niyang may kanser siya

Personal na mga Komento

Paano mo napapanatili ang iyong kagalakan kahit na may sakit ka at pinag-uusig?

Madalas akong panghinaan ng loob. Kung minsan nga, pakiramdam ko, parang hindi ko na kaya. Pero laging gumagawa si Jehova ng “daang malalabasan” para sa akin. (1 Corinto 10:13) Nakakatulong ’pag sinasabi ko kay Jehova ang laman ng puso ko. Kung minsan, umiiyak ako habang nananalangin. Napapatibay din ako ’pag kinakanta ko ang mga awit natin, nagpe-personal study, at ’pag pinag-iisipan ko ang mga pangako ni Jehova sa hinaharap. Sinisikap din naming mag-asawa na patibayin ang mga kapatid. Nakakatulong ’yon para hindi kami masyadong magpokus sa mga problema namin. Pinapasalamatan namin kung paano ginagamit ni Jehova ang banal na espiritu niya para tulungan at pakalmahin kami.

Andrey Vyushin

Ipinanganak: 1975 (Yaroslavl, Yaroslavl Region)

Maikling Impormasyon: Pinalaki ng nanay at lola. Nagtatrabaho sa support at maintenance ng mga computer network. Inaalagaan ang nanay na may kapansanan

Nakilala ang mga Saksi ni Jehova nang mag-aral ng Bibliya ang matalik na kaibigan. Sinagot ng mga Saksi ang mga tanong niya, at nakita niya na ginagawa nila ang ipinapangaral nila. Nabautismuhan noong 1995

Napangasawa si Anastasiya noong 2013. Nagkaroon ng isang anak na babae

Personal na mga Komento

Paano ninyo ginamit ng asawa mo ang karanasan ninyo para patibayin ang iba?

Napatibay talaga kami ng pagtitiis ni Dennis Christensen sa mga pagsubok niya. Siya ang unang nabilanggo, pero napanatili niya ang kaniyang dignidad. Napatibay kami ng halimbawa niya. Naisip namin na magagawa rin namin iyon. Kaya kapag may nakakausap kaming mga kapatid na natatakot, ginagawa namin ang buong makakaya namin para patibayin sila. Sinasabi namin na hindi naman ito nakakatakot gaya ng iniisip nila. Ipinapaalala namin sa mga kaibigan namin na huwag mag-isip kung paano sila uusigin, kasi matatakot lang sila. Sa halip, isipin nila na pagkakataon na ’yon para patunayan na may matibay silang pananampalataya kay Jehova.

Kumbinsido tayo na, gaya ng apat na tapat na lingkod na ito ni Jehova, makakasama tayo sa mga ‘nagtitiwala kay Jehova at hindi natitinag.’—Awit 125:1.

Time Line

Abril 13, 2021

Inilagay sa temporary detention pagkatapos halughugin ng mga awtoridad ang mga bahay nila
Abril 15, 2021

Inilagay sa pretrial detention
Hulyo 14, 2021

Pinalaya mula sa pretrial detention at pinagbawalang magbiyahe
Setyembre 9, 2022

Nagsimula ang paglilitis

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE