DISYEMBRE 20, 2021
RUSSIA

UPDATE | Apat na Brother ang Naghihintay ng Paglilitis Pagkatapos ng Walang-Katulad na Pag-raid sa mga Bahay sa Trans-Baikal Territory

I-PLAY

Noong Setyembre 20, 2022, hindi tinanggap ng Trans-Baikal Territory Court ang apela nina Brother Vladimir Ermolaev, Sergey Kirilyuk, Igor Mamalimov, at Aleksandr Putintsev. Nasa kulungan pa rin sina Vladimir, Igor, at Aleksandr. Hindi kailangang makulong ni Sergey sa ngayon.

Noong Hunyo 6, 2022, hinatulan ng Central District Court ng Chita sina Vladimir, Sergey, Igor, at Aleksandr. Pinatawan si Sergey ng anim-na-taóng suspended prison sentence. Sina Vladimir, Igor, at Aleksandr naman ay hinatulang mabilanggo nang anim at kalahating taon sa lalong madaling panahon.

Time Line

Marso 16, 2021

Nagsimula ang paglilitis ng korte
Pebrero 2, 2021

Opisyal na kinasuhan sina Vladimir, Sergey, Igor, at Aleksandr ng pag-oorganisa ng mga gawain ng isang ipinagbabawal na organisasyon
Abril 3, 2020

Pinalaya si Vladimir mula sa house arrest
Pebrero 15, 2020

Pinalaya si Sergey pagkatapos makulong nang limang araw
Pebrero 12, 2020

Pinalaya sina Igor at Aleksandr mula sa pagkakakulong. Dinagdagan nang 72 oras ang pagkakakulong kay Sergey. Si Vladimir ay pinatawan ng house arrest sa loob ng 52 araw
Pebrero 10, 2020

Ni-raid ng mga opisyal ng FSB ang 50 bahay ng mga Saksi ni Jehova sa Trans-Baikal Territory. Kasama sa mga ni-raid ang mga bahay ng mga Saksi na may-edad na at may kapansanan. Sa isang pamilya, binugbog ang isang Saksing menor de edad sa harap ng kaniyang nanay at nakababatang kapatid na babae. Isang brother ang pinahirapan. Pagkatapos ng mga isinagawang raid, ikinulong ng mga opisyal ang 10 brother, kasama sina Igor, Aleksandr, Sergey, at Vladimir

Profile

Sergey Kirilyuk

Ipinanganak: 1972 (Cheremkhovo, Irkutsk Region)

Maikling Impormasyon: Anim silang magkakapatid. Nagtatrabaho bilang isang welder. Napangasawa si Olga noong 1992. May tatlong anak sila

Sina Sergey at Olga ay naging interesado sa Bibliya noong mga 1995. Nabautismuhan noong 1998

Personal na mga Komento

Paano nakaapekto sa iba ang paggawi mo sa kulungan?

Kasama ko sa selda ang isang pusakal na kriminal. Halos buong buhay niya bilang adulto ay ginugol niya sa bilangguan. . . . Tuwing babalik ako sa selda pagkatapos ng interogasyon, tinatanong niya ako: “Nagbigay ka ba sa kanila ng impormasyon?” at sinasabi ako: “Hindi.” Talagang iginagalang niya ako. Buong araw akong sumasailalim sa interogasyon [ng mga pulis] at hindi ako binibigyan ng pagkain. Pero ang kasama kong ito ang mangongolekta ng pagkain para may makain ako kapag ibinalik ako sa selda. Hindi ako nakaranas ng gutom.

Igor Mamalimov

Ipinanganak: 1976 (Ilishevsky District, Republic of Bashkortostan)

Maikling Impormasyon: Pinalaki sa isang malaking farm kasama ang dalawang kapatid. Marunong tumugtog ng accordion. Nagtatrabaho nang part-time bilang isang kantero at mekaniko ng kotse. Napangasawa si Natalya noong 2007. May tatlo silang anak

Maaga noong mga taóng 2000, nagkasakit siya at namatay ang kaniyang nakababatang kapatid na babae. Kaya naitanong niya ang tungkol sa Diyos, sa buhay, at sa kamatayan. Nalaman ang mga sagot nang magpa-Bible study sa mga Saksi ni Jehova. Nabautismuhan noong 2008

Personal na mga Komento

Paano naging mas malapít kay Jehova ang pamilya mo noong mahirap na panahong iyon?

Naging mas malapít sa isa’t isa ang pamilya namin pati na kay Jehova. Pinatibay ng mga bata ang kaugnayan nila kay Jehova. Mahal na mahal nila si Jehova. . . . Sumulong ang paraan ng pagkokomento nila sa mga pulong, at marami silang magagandang tanong. . . . Madalas silang manalangin kay Jehova at ikinukuwento nila sa amin kung paano sinasagot ni Jehova ang mga panalangin nila. Malaki ang ipinagbago ng pamilya namin dahil sa pagsubok na ito, at masaya ang bawat isa sa amin sa mga karanasang pinagdaanan namin.

Aleksandr Putintsev

Ipinanganak: 1974 (Verkhnyaya Khila, Trans-Baikal Territory)

Maikling Impormasyon: Nagsosolong anak. Mahilig magbasa at kumuha ng litrato. Napangasawa si Galina noong 1994. May negosyo silang mag-asawa at isang anak na lalaki

Noong mga taon ng 1990’s, napag-isip-isip niya na dahil sa kaniyang malakas na pag-inom ng alak, naapektuhan ang kaniyang pamilya. Nang mag-aral ng Bibliya, sinunod niya ang matalinong payo nito at binago ang kaniyang buhay. Nabautismuhan noong 1997

Personal na mga Komento

Paano nakatulong sa iyo ang panalangin?

Ang unang interogasyon ay isang napakalaking pagsubok sa pananampalataya ko. Kabadong-kabado ako. Nanalangin ako nang husto. Alam ko rin na nananalangin para sa akin ang pamilya ko at mga kaibigan. Natatandaan kong nananalangin ako habang papunta ako sa interogasyon. Habang nasa opisina ako ng imbestigador, kalmado na ’ko at alam kong tutulungan ako ni Jehova. Ang sumunod na mga interogasyon ay nagbigay sa akin ng higit na tiwala na hindi ako iiwan ni Jehova.

Tularan sana natin ang matibay na pananampalataya ng ating mahal na mga kapatid. Gaya ni Daniel at ng kaniyang tatlong kasama, “buo ang pasiya” nila na manatiling tapat kay Jehova sa kabila ng matinding panggigipit mula sa sekular na mga awtoridad.—Daniel 1:8.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE