AGOSTO 26, 2021 | UPDATED: ENERO 12, 2024
RUSSIA

UPDATE—BINALIGTAD ANG HATOL | Brother na May Dalawang Anak, Posibleng Makulong Nang 15 Taon Dahil sa Pananampalataya

I-PLAY

Noong Enero 11, 2024, binaligtad ng Regional Court of the Khanty-Mansi Autonomous Area—Yugra ang hatol nitong may-sala si Brother Andrey Sazonov. Ibabalik sa Uray City Court of the Khanty-Mansi Autonomous Area—Yugra ang kaso niya para muling litisin.

Time Line

Noong Disyembre 24, 2021, hinatulan ng Uray City Court of the Khanty-Mansi Autonomous Area—Yugra si Brother Andrey Sazonov at pinagmumulta siya ng 500,000 ruble ($6,785 U.S.). Napapaharap sana siya sa 15-taóng pagkakabilanggo. Bagaman malungkot tayo sa hindi magandang hatol, natutuwa naman tayong malaman na hindi siya mabibilanggo
Hunyo 22, 2020

Nagsimula ang paglilitis kay Andrey
Agosto 22, 2019

Hindi na siya naka-house arrest pero may mga ipinagbawal sa kaniya ang korte, gaya ng pagbibiyahe
Pebrero 26, 2019

Inilipat siya sa house arrest
Pebrero 6, 2019

Pansamantala siyang idinitine sa isang facility, at makalipas ang dalawang araw, pagkatapos halughugin ang kaniyang lugar ng trabaho at sasakyan, inilipat siya sa pretrial detention center
Enero 31, 2019

Inakusahan siya ng “pag-oorganisa at pakikibahagi sa mga gawain ng isang ekstremistang organisasyon”

Profile

Andrey Sazonov

Ipinanganak: 1980 (Moscow)

Maikling Impormasyon: Nagtatrabaho bilang administrador ng malaking heating company. Napangasawa si Viktoria, isang English teacher, noong 2002. May isa silang anak na babae, si Irina (Ira), at isang lalaki, si Vyacheslav (Slava)

Nagpa-Bible study sa mga Saksi ni Jehova noong mga unang taon ng 1990’s, at nabautismuhan noong 1997

Personal na mga Komento

Ano ang pinakamahirap na hamon para sa iyo?

Ang pinakamahirap siguro para sa akin ay y’ong mawalay sa mga mahal ko sa buhay at ma-realize na wala akong magawa para tulungan sila. Nag-aalala ako kung paano ito matitiis ng pamilya ko. Nag-aalala rin ako sa mga kapatid dahil hindi lang bahay namin ang hinalughog.

Ano ang nakatulong sa iyo na manatiling positibo habang nasa pretrial detention?

Na-realize ko na hindi ko kontrolado kung ano ang mangyayari sa akin sa kulungan. Kung minsan, hindi ko alam kung ano ang susunod na mangyayari. Bubukas ang pinto ng selda at ’di ko alam kung saan ako dadalhin. Kinailangan kong magkaroon ng tamang pananaw sa sitwasyon ko. Nang pag-usigin ako, naalala ko ang Roma 12:21: “Huwag kang padaig sa masama, kundi patuloy na daigin ng mabuti ang masama.” Maraming beses na nakatulong sa akin ang prinsipyong ito. Nagpasiya akong anuman ang maging trato sa akin, magiging mabait pa rin ako. Sinikap kong maging magalang at mabait sa lahat. Pinilit kong hindi magalit sa mga nang-uusig sa akin. Nagbabago ang mga tao kapag nakikita nilang mabait ka pa rin sa kanila kahit na nakakagalit ang ginagawa nila sa iyo. Nakakatuwa ’yon!

Bago pa nagsimula ang mga pagsubok na ito sa pamilya ko, nasaulo ko na ang dalawang kanta, “Never Give Up” at “Bigyan Mo Ako ng Lakas ng Loob.” Gustong-gusto ko ang mga kantang ito. Madalas kong kantahin ’to sa bilangguan. Pinatibay ako nito na patuloy na magtiis.

Ano ang maipapayo mo sa iba tungkol sa paggamit ng kanilang panahon para paghandaan ang posibleng pag-uusig?

Samantalahin ang panahon para patibayin ang kaugnayan mo kay Jehova, at maging abala sa paggawa ng gawain Niya ngayon. . . . Kapag abala ka sa paggawa ng mga bagay na magpapasaya kay Jehova, maiiwasan mo ang mga panggambala na puwedeng magpahina sa pananampalataya mo.

Pinapahalagahan natin ang mabuting halimbawa ng ating mga kapatid sa Russia habang nagpapatuloy ang pag-uusig na ito. Alam nating patuloy silang ‘patatatagin at palalakasin’ ni Jehova.—Awit 138:3.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE