NOBYEMBRE 5, 2021
RUSSIA

UPDATE | Brother Aleksey Yershov—Pinalakas ng Pagsamba Niya Kay Jehova

I-PLAY

Noong Abril 7, 2022, binago ng Tomsk Regional Court ang unang sentensiya nito kay Brother Aleksey Yershov. Ginawa itong tatlong-taóng suspended prison sentence. Kaya agad siyang pinalaya sa bilangguan.

Noong Enero 19, 2022, hinatulan ng Severskiy City Court of the Tomsk Region si Aleksey at sinentensiyahang makulong nang tatlong taon. Agad siyang ikinulong.

Time Line

Hunyo 22, 2021

Isinampa ang kasong kriminal sa Severskiy City Court sa Tomsk Region
Marso 30, 2021

Inakusahan si Aleksey ng krimen batay sa mga video na inirekord ng isang tao na kunwaring interesadong mag-aral ng Bibliya sa loob nang mahigit isang taon
Hulyo 14, 2020

Ni-raid ng FSB (secret police ng Russia) at mga Investigative Committee agent ang bahay ni Aleksey sa loob nang pitong oras. Kinuha ng mga pulis ang mga bank card, elektronikong gadyet, Bibliya, passport, at mga Wi-Fi router

Profile

Aleksey Yershov

Ipinanganak: 1953 Seversk (Tomsk Region)

Maikling Impormasyon: Namatay ang tatay niya noong taóng isinilang si Aleksey. Pinalaki siya ng kaniyang nanay. Nagtrabaho siya bilang isang engineer at nagturo sa vocational school

Napangasawa niya si Lyudmila noong 1976. May dalawa silang anak na adulto

Pagkatapos anyayahan ng isa sa kaniyang mga estudyante sa isang pulong ng mga Saksi ni Jehova, gusto si Aleksey na mag-aral ng Bibliya. Nagustuhan niya ang praktikal na payo ng Bibliya at ang pag-asa ng Kaharian. Nabautismuhan siya bilang Saksi ni Jehova noong 1994

Personal na mga Komento

Ano ang nakatulong sa iyo na magkaroon ng malapít na kaugnayan kay Jehova noong panahon ng pagsubok?

Mas madalas kaming manalangin ng asawa ko. Hindi ko matitiis ang kalagayang ito kung wala ang tulong ni Jehova. Mayroon akong regular na personal na pag-aaral at pagbabasa ng Bibliya araw-araw. Tuwing umaga, tinatalakay naming mag-asawa ang pang-araw-araw na teksto at nananalangin kami kay Jehova nang magkasama.

Paano mo napagtagumpayan ang panghihina ng loob?

Nakatulong sa akin ang personal na pag-aaral kapag pinanghihinaan ako ng loob. Binubulay-bulay ko ang mga halimbawa ng tapat na lingkod noong una. Maraming ulat sa Bibliya na nagpapakita kung gaano kahalaga na manatiling kalmado at magtiwala kay Jehova. Inunawa ko kung ano ang nakatulong sa mga lingkod ng Diyos na manatiling kalmado. Sinasabi ng Gawa 5:29: “Dapat naming sundin ang Diyos bilang tagapamahala sa halip na mga tao.” Nang ipag-utos ng Sanedrin sa mga apostol na huminto na sa pangangaral, hindi sila natakot. Kahit nang pagpapaluin sila, hindi sila natakot. Alam ng mga apostol na kasama nila si Jehova at na nalulugod siya sa kanila.

Patuloy na patitibayin at aaliwin ng pagbabasa ng Bibliya at panalangin ang mga kapatid natin sa Russia. Tinitiyak sa atin ng Awit 9:9, “Si Jehova ay magiging ligtas na kanlungan para sa mga inaapi, isang ligtas na kanlungan sa panahon ng pagdurusa.”

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE