AGOSTO 5, 2021
RUSSIA

UPDATE | Brother Dmitriy Terebilov, Posibleng Makulong sa Ikalimang Pagkakataon, Pero sa Pagkakataong Ito, Dahil sa Kaniyang Pananampalataya

I-PLAY

Noong Setyembre 22, 2022, hindi tinanggap ng Second General Jurisdiction Court of Cassation ang ikalawang apela ni Brother Dmitriy Terebilov. Nananatili siya sa bilangguan.

Noong Enero 12, 2022, hindi tinanggap ng Kostroma Regional Court ang apela ni Brother Dmitriy Terebilov.

Time Line

Setyembre 6, 2021

Hinatulan ng Sverdlovskiy District Court sa lunsod ng Kostroma na nagkasala si Dmitriy at sinentensiyahang makulong nang tatlong taon. Inaresto siya agad pagkatapos ng hatol
Setyembre 8, 2020

Nagsimula ang paglilitis kay Dmitriy
Mayo 25, 2020

Opisyal na kinasuhan si Dmitriy at pinagbawalang umalis sa kanilang lugar
Setyembre 19, 2019

Hindi na magamit ni Dmitriy ang kaniyang pera sa bangko
Hunyo 13, 2019

Sinampahan ng kasong kriminal si Dmitriy dahil sa pamamahagi ng ipinagbabawal na literatura at dahil sa pakikibahagi sa mga pulong ng ipinagbabawal na organisasyon
Hulyo 25, 2018

Hinalughog ang bahay ni Dmitriy habang pauwi silang mag-asawa mula sa isang kombensiyon sa Moldova. Inaresto sila ng mga pulis at pinagtatanong pagdating na pagdating nila ng bahay

Profile

Dmitriy Terebilov

Ipinanganak: 1980 (Kostroma)

Maikling Impormasyon: Bata pa siya nang mamatay ang nanay niya. Mahilig sa wrestling at boksing noong bata pa. Apat na beses na nakulong dahil sa ipinagbabawal na droga

Nag-aral ng Bibliya sa pamamagitan ng sulat habang nakakulong noong 2010. Napalaya noong 2013. Nabautismuhan noong 2014. Napangasawa si Irina noong 2015. Mahilig silang maglakad, mag-hiking, at magbisikleta nang magkasama

Personal na mga Komento

Paano mo nakilala ang mga Saksi ni Jehova?

Nakilala ko ang mga Saksi ni Jehova noong pang-apat na beses akong makulong dahil sa ipinagbabawal na droga. Noong Agosto 2010, nakatanggap ako ng sulat mula sa isang brother sa Udmurtia. Sa buong panahong nakakulong ako, pinatibay niya ako, sinulatan, at pinadalhan ng literatura. Matalik pa rin kaming magkaibigan hanggang ngayon.

Napalaya ako noong Hunyo 21, 2013, nang matapos ko ang sentensiya ko. Lumipat ako sa Kostroma at hinanap ko ang mga Saksi ni Jehova.

Ano ang nakatulong sa iyo na manatiling masaya at hindi masyadong mag-alala?

Ang tema ng kombensiyong dinaluhan namin noong 2018 ay “Magpakalakas-Loob!” Dahil kagagaling lang namin sa kombensiyon, ikinapit namin agad ang natutuhan namin. . . . Naalala ko no’ng naglalakad kami pauwi [mula sa interogasyon pagkatapos halughugin ang bahay namin sa ikalawang pagkakataon]. Pagdating namin sa bahay, nakita namin ang maraming kapatid na nagpuntahan agad sa bahay nang mabalitaan nila ang nangyari. Katibayan din ito na malapit sa amin si Jehova.

Ano ang nadarama mo sa posibilidad na makulong ka ulit, ngayon naman, dahil sa iyong pananampalataya?

Nakita ko kung paano ako tinulungan ni Jehova sa lahat ng panahong ito, at tinutulungan din niya ang mga kapatid na nakakulong dahil sa pananampalataya nila. Tiyak kong patuloy akong tutulungan ni Jehova, pati na ang pamilya ko. Paglaya ko mula sa bilangguan, sabi ko sa sarili ko: ‘Gusto kong maging Saksi ni Jehova.’ At mula noon, hindi na nagbago ang isip ko.

Habang patuloy na nararanasan ni Dmitriy ang kagalakang nagmumula sa ‘mga insulto dahil sa pangalan ni Kristo,’ nagtitiwala tayo na “ang espiritu ng kaluwalhatian, ang espiritu ng Diyos, ay nasa [kaniya].”—1 Pedro 4:14.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE