OKTUBRE 5, 2021
RUSSIA

UPDATE | Brother Vitaliy Omelchenko, Napatibay ng Maibiging Payo Para Matiis ang Pag-uusig

I-PLAY

Noong Setyembre 22, 2022, hinatulan ng Oktyabrskiy District Court of Murmansk si Brother Vitaliy Omelchenko. Pinagmulta siya ng 580,000 rubles ($9,526 U.S.).

Time Line

Enero 29, 2021

Isinampa sa korte ang kasong kriminal laban kay Vitaliy
Enero 20, 2020

Idinitine siya ng mga pulis para sa interogasyon. Nakulong nang dalawang araw bago pinalaya. Pinagbawalang makipag-usap sa iba pang kasama sa kaso at gumamit ng Internet
Disyembre 23, 2019

Sinimulan ng Investigative Committee of the Russian Federation sa Murmansk Region ang kriminal na kaso laban kay Vitaliy. Sinasabi ng mga awtoridad na ang krimen niya ay ang pagsasagawa ng kaniyang relihiyon bilang isang Saksi ni Jehova sa kaniya mismong bahay

Profile

Vitaliy Omelchenko

Ipinanganak: 1979 (Roslyakovo, Murmansk Region)

Maikling Impormasyon: Mahilig sa ballroom dancing, skiing, ice skating, at kumanta. Naglingkod sa militar nang dalawang taon

Nagpa-Bible study sa mga Saksi ni Jehova noong 2000. Nabautismuhan noong 2001. Napangasawa si Natalya noong 2013. Pagkaraan ng isang taon, nagkasakit nang malubha si Natalya at ngayo’y may kapansanan na

Personal na mga Komento

May nasabi ba sa iyo ang iba na nagpatibay sa iyo para matiis ang pagsubok?

Isang brother na para ko nang tatay ang sumulat sa akin mula sa detention center. Sabi niya: “Napag-usapan na natin noon na kailangan nating magkaroon ng lakas ng loob, maging matatag, matapang, tapat, lubusang magtiwala kay Jehova, at huwag mag-alinlangan. Ngayon na ang panahon para patunayan natin ito sa gawa.”

Ano ang nakatulong sa iyo na manatiling matatag kahit may sinasabing kasinungalingan tungkol sa iyo?

Ipinaalala sa akin ng Mateo 5:11 na ang mga tao ay ‘magpaparatang ng kung ano-anong masasamang bagay.’ Dahil diyan, natiis ko ang mga kasinungalingang sinasabi nila sa paglilitis. Madalas kong ipaalala sa sarili ko na bale-wala ang mga tao kung ikukumpara kay Jehova.

Ano ang maipapayo mo sa iba tungkol sa paggamit ng panahon nila para maghanda sa posibleng pag-uusig?

Manalangin kay Jehova na tulungan kang magpakita ng lakas ng loob at magtiwala sa kaniya kahit sa maliliit na bagay. Patuloy na dumalo sa mga pulong ng kongregasyon at aktibong makibahagi doon. Regular na mangaral kasama ng mga kapatid. Para kapag pinag-usig tayo, mararamdaman pa rin nating malapít tayo sa mga kapatid.

Patuloy na ginagamit ni Vitaliy ang Bibliya para gabayan siya at patibayin. Talagang napapatibay tayo sa halimbawa niya.—Roma 15:4.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE