NOBYEMBRE 25, 2021
RUSSIA

UPDATE | Brother Yevgeniy Korotun—Pinapatibay ni Jehova

I-PLAY

Noong Mayo 16, 2022, hindi tinanggap ng Tomsk Regional Court ang apela ni Brother Yevgeniy Korotun. Mananatili siyang nakabilanggo.

Noong Enero 20, 2022, hinatulan ng Severskiy City Court ng Tomsk Region si Yevgeniy at sinentensiyahang makulong nang pitong tao. Magsisimula agad ang sentensiya niya.

Time Line

Marso 31, 2021

Nag-umpisa ang paglilitis
Setyembre 7, 2020

Ikinulong siya bago pa litisin pagkatapos humarap sa korte
Hulyo 15, 2020

Inilagay siya sa house arrest
Hulyo 14, 2020

Ni-raid ng mga pulis ng FSB ang bahay ng anim na pamilya ng mga Saksi ni Jehova sa Seversk, kasama na ang bahay ng mga Korotun
Hulyo 13, 2020

Sinampahan ng kasong kriminal si Yevgeniy
2018–2019

Dalawang secret police ang nagpapanggap na interesado sa Bibliya at palihim na inirekord ang kanilang mga pag-uusap para gamiting ebidensiya laban kay Yevgeniy

Profile

Yevgeniy Korotun

Ipinanganak: 1970 (Seversk)

Maikling Impormasyon: Nag-aral ng sining. Nagtrabaho bilang isang karpintero, tagapalitada, at tubero. Mahilig siya sa pagkuha ng litrato at magbasa

Pagkatapos magsaliksik ng Bibliya nang halos 10 taon, nakumbinsi siya na ito ang Salita ng Diyos. Nabautismuhan siya noong 2008 at napangasawa niya si Yevgeniya dakong huli ng taóng iyon. May 10-taóng-gulang na anak sila, si Aleksandr

Personal na mga Komento Mula sa Asawa ni Yevgeniy, si Yevgeniya a

Ano ang lalo nang mahirap para sa iyo habang nakakulong ang asawa mo?

Hindi na namin magamit ang aming debit at credit card dahil sa kagagawan ng Federal Financial Monitoring Service. Nakipagpulong ako sa iba’t ibang ahensiya ng gobyerno para malutas ang problemang ito. Pinakilos ni Jehova ang ating mga kapatid para tulungan kami sa aming mga pangangailangan.

Ano ang nakatulong sa iyo na manatiling masaya at huwag labis na mabalisa?

Nakatulong sa akin ang mga gawain ko sa pagsamba kay Jehova . . . Yamang wala si Yevgeniy para manalangin para sa akin at sa aming pamilya, marami akong ipinapakipag-usap kay Jehova. May mga bagong bagay akong sinasabi sa kaniya. Nagbasa rin ako ng maraming paksa tungkol sa pag-uusig, lakas ng loob, pagtitiis, katapatan, ang pansansinukob na soberanya, at ang kahalagahan ng pagiging positibo. Kapag pagod na ako sa pagbabasa, nanonood ako ng mga video mula sa ating mga broadcast. Nakakapagpatibay rin ang ating mga awitin.

Paano natitiis ng anak mong si Aleksandr ang inyong kalagayan na wala ang tatay niya?

Kung minsan umiiyak siya at sinasabing nami-miss niya ang dad niya . . . Pero hindi naman sa lahat ng panahon. Nananatili siyang positibo at masayahin. . . . Nagsabi siya na gusto niyang magpabautismo. Masayang-masaya ako.

Nagtitiwala tayo na tinutulungan ni Jehova ang pamilya Korotun at lahat ng naglilingkod sa kaniya nang tapat sa mahihirap na panahon.—Roma 15:5.

a Dahil kasalukuyang nakakulong si Brother Korotun bago pa man litisin, hindi posibleng makuha ang mga komento niya.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE