Noong Mayo 12, 2022, hinatulan ng Leninskiy District Court sa Lunsod ng Nizhny Novgorod si Brother Kirill Yevstigneev at pinatawan ng tatlong-taóng suspended prison sentence.

1. Oktubre 8, 2021

   Nagsimula ang paglilitis. Ipinaliwanag ni Kirill sa hukom na ang pagtitipon ay isang social gathering, hindi relihiyosong pagtitipon

2. Agosto 24, 2021

   Pinagbawalang magbiyahe si Kirill

3. Setyembre 2, 2020

   Inakusahan si Kirill ng “pagpopondo sa ekstremistang mga gawain” dahil siya ang nag-asikaso sa pag-upa ng conference room

4. Hulyo 11, 2019

   Inimbestigahan ng mga awtoridad si Kirill kasi siya ang nakapirma sa kontrata para sa paggamit ng conference room; hinalughog ang bahay niya

5. Hunyo 4, 2019

   Inimbestigahan ng mga awtoridad ang iba pang mga kasama sa pagtitipon, pero hindi nila sinabi kung sino-sino ang mga ito

6. Abril 2019

   Inupahan ni Kirill at ng ilang Saksi ni Jehova sa Nizhny Novgorod ang isang conference room para sa isang social gathering

Lalong lumalakas ang loob natin kapag naririnig natin ang lakas ng loob na ipinakita ni Kirill, ng asawa niya, at ng lahat ng tapat nating mga kapatid na pinag-uusig sa Russia at Crimea.—Filipos 1:13, 14.