HUNYO 1, 2022 | UPDATED: SETYEMBRE 6, 2023
RUSSIA

UPDATE—HINATULAN ANG MGA KAPATID | Nananatili Silang Matatag Dahil Nasa Panig Nila si Jehova

I-PLAY

Noong Setyembre 5, 2023, hinatulan ng Nizhnekamsk City Court ng Republic of Tatarstan sina Brother Denis Filatov, Stanislav Klyuchnikov, at Dmitriy Yarchak at sinentensiyahan ng anim-na-taóng suspended prison sentence. Hindi sila makukulong sa ngayon.

Time Line

Nobyembre 18, 2020

Ni-raid ng mga opisyal ng FSG at mga pulis na may dalang baril ang bahay ng 12 pamilya ng mga Saksi ni Jehova sa lunsod ng Nizhnekamsk. Siyam na brother at tatlong sister ang dinala para sa interogasyon
Agosto 24, 2021

Matapos ang imbestigasyon, sina Denis, Stanislav, at Dmitriy ay pinagbawalang magbiyahe
Oktubre 7, 2021

Opisyal na kinasuhan sina Denis, Stanislav, at Dmitriy. Kinasuhan sila dahil sa “pag-awit ng pantanging mga awit, relihiyosong mga awit, at pananalangin”
Enero 27, 2022

Ang kasong kriminal ay inilipat sa Nizhnekamsk City Court ng Republic of Tatarstan

Profile

Denis Filatov

Ipinanganak: 1980 (Nizhnekamsk)

Maikling Impormasyon: Nakilala ang mga Saksi ni Jehova noong 1996. Namangha siyang malaman na may personal na pangalan ang Diyos at ang katotohanan tungkol sa kalagayan ng mga patay. Nabautismuhan noong 1998

Personal na mga Komento

Ano ang nakatulong sa iyo na magpokus sa paglilingkod kay Jehova sa kabila ng iyong kalagayan?

Maliwanag sa akin na si Satanas at ang kaniyang sanlibutan ay nakikipagdigma sa atin. Nakakatulong sa akin ang pagbabasa ng Bibliya para malaman kung sino ang mananalo at kung sino ang matatalo. Mabilis na nagbabago ang mga pangyayari sa daigdig, at napakalapit na ng bagong sanlibutan. Kailangan lang nating magtiis nang kaunting panahon, manatiling tapat kay Jehova, at patuloy na gumawang kasama ng ating mahal na mga kapatid.

Stanislav Klyuchnikov

Ipinanganak: 1982 (Nizhnekamsk)

Maikling Impormasyon: May-ari ng isang video production company. Mahilig mangolekta ng stamp at mamasyal

Nakilala niya ang mga Saksi ni Jehova noong kabataan siya at humanga siya sa kabaitan at pag-ibig na ipinakita nila sa kaniya. Nabautismuhan noong 1998

Napangasawa si Oksana noong 2003. Mayroon silang isang anak na babae

Personal na mga Komento

Ano ang tumutulong sa iyo na patuloy na magtiis?

Ang pagnanais kong manatili sa makitid na daan patungo sa tunay na buhay ang tumutulong sa akin na patuloy na magtiis. Gaya ng sinabi ni apostol Pedro sa Juan 6:68: “Panginoon, kanino kami pupunta? Nasa iyo ang mga salitang nagbibigay ng buhay na walang hanggan.” Ipinapakita ng kaniyang pananalita na anumang landas tayo sinisikap akayin ni Satanas, may isang tunay na daan lang patungo sa tunay na Diyos. Huwag tanggihan ang Isa na talagang tutulong sa iyo, at mananatili sa panig natin!

Dmitriy Yarchak

Ipinanganak: 1984 (Nizhnekamsk)

Maikling Impormasyon: May cerebral palsy. Pagka-graduate ng high school, naging accountant siya sa isang rehabilitation facility para sa mga batang may kapansanan. Nagtatrabaho bilang sales manager sa isang industriya ng telecommunication

Nag-aral ng Bibliya noong teenager siya. Gustong-gusto niya ang natutuhan niya tungkol sa personalidad ni Jehova. Nabautismuhan noong 1998

Napangasawa si Svetlana noong 2010

Personal na mga Komento

Anong paglalaan ni Jehova ang malaking tulong sa iyo?

Napakalaking tulong sa akin ng panalangin. Parang nasa tabi ko ang aking Ama sa buong buhay ko at nasa tabi ko pa rin siya ngayon. Nananalangin ako sa kaniya at humihingi ng karunungan para magawa ko ang tama. Hinihiling ko rin sa kaniya na tulungan akong maging kalmado at magkaroon ng tamang pananaw sa kalagayan ko.

Habang patuloy na nagtitiwala ang ating mga kapatid sa lakas mula kay Jehova, tiyak na nadama nila ang gaya ng nadama ng salmistang si David: “Ito ang natitiyak ko: ang Diyos ay nasa panig ko.”—Awit 56:9.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE