NOBYEMBRE 4, 2022
RUSSIA

UPDATE—HINATULANG NAGKASALA ANG MAG-ASAWA | Napatibay ang Pananampalataya Dahil sa mga Halimbawa sa Bibliya

I-PLAY

Noong Nobyembre 8, 2022, hinatulang nagkasala ng Petropavlovsk-Kamchatskiy City Court of the Kamchatka Territory si Brother Dmitriy Semenov at ang asawa niyang si Nadezhda. Pareho silang pinatawan ng apat-na-taóng suspended prison sentence. Hindi nila kailangang makulong sa ngayon.

Time Line

Setyembre 3, 2021

Isang babae na nakausap nina Dmitriy at Nadezhda tungkol sa Bibliya ang nagbigay ng impormasyon sa FSB. Dahil sa impormasyong ibinigay nito, sinampahan sina Dmitriy at Nadezhda ng kasong kriminal. Inakusahan sila ng panghihikayat sa iba na sumama sa isang ekstremistang organisasyon at pakikibahagi sa mga gawain nito
Setyembre 6, 2021

Hinalughog ang apartment. Dinala para sa interogasyon at pinagbawalang magbiyahe
Hulyo 26, 2022

Nagsimula ang paglilitis

Profile

Dmitriy Semenov

Ipinanganak: 1984 (Petropavlovsk-Kamchatskiy)

Maikling Impormasyon: Nag-aral ng mathematics at computer science. Isang computer programmer

Una niyang nalaman ang tungkol sa mga Saksi ni Jehova mula sa isang kapamilya. Nabautismuhan siya noong 2006. Pinili niya ang alternatibong serbisyong pansibilyan sa halip na magsundalo

Napangasawa si Nadezhda noong 2010

Personal na mga Komento

Kaninong halimbawa sa Bibliya ang nagpatibay ng pagtitiwala mo kay Jehova?

Bago pa man ang pag-uusig na ito, pinag-iisipan ko ang halimbawa ni Jeremias, lalo na nang ibilanggo siya noong kubkubin ng Babilonya ang Jerusalem. Para bang wala nang pag-asa, pero pinrotektahan siya ni Jehova sa pambihirang paraan. Habang nagugutom ang mga naninirahan sa Jerusalem, pinaglalaanan pa rin ng pagkain si Jeremias at nakaligtas siya nang mawasak ang lunsod. (Jeremias 37:21) Nakikita ni Jehova ang lahat ng sitwasyon sa paraang iba sa nakikita natin at alam niya kung ano ang mangyayari. Kahit parang wala nang pag-asa, maglalaan si Jehova ng malalabasan sa tamang panahon.

Nadezhda Semenova

Ipinanganak: 1985 (Yekaterinburg, Sverdlovsk Region)

Maikling Impormasyon: Mahilig siyang kumanta sa school choir at sumayaw noong bata pa siya. Nagtatrabaho bilang store stock clerk

Nalaman niya ang katotohanan mula sa ate niya na nakipag-aral ng Bibliya. Naging Saksi ni Jehova si Nadezhda, ang nanay niya, at ang ate niya. Nabautismuhan siya noong 1997

Napangasawa niya si Dmitriy noong 2010

Personal na mga Komento

Anong ulat sa Bibliya ang nagpatibay ng pananampalataya mo?

Ang halimbawa ng biyuda sa Zarepat at kung paano siya nagpakita ng pananampalataya bago niya tinanggap ang pagpapala. Tinalakay namin ang artikulo na nagsasabi: “Pinagpapala ng Diyos ang mga nananampalataya.” Sumisipi mula sa 1898 na isyu ng Zion’s Watch Tower, sinabi pa niya: “Ganoon din kami,—sa iba’t ibang paglalakbay namin sa buhay, dinadala kami ng Panginoon sa lugar na masusubok ang aming pananampalataya. Kung mananampalataya kami, matatanggap namin ang pagpapala; kung hindi, maiwawala namin ito.”

Itinuro nito sa akin na gaano man kahirap ang pagsubok, napakahalagang manatiling tapat kay Jehova at sa aking mga kapatid. Kung gagawin ko iyon, tutulungan ako ni Jehova na magtiis at palalakasin niya ang loob ko, ang pananampalataya ko, at bibigyan ako ng lakas na kailangan ko.

Gaya ng personal na nararanasan nina Dmitriy at Nadezhda, tinutulungan ni Jehova ang mga lingkod niya na maging malakas ang loob at matatag sa harap ng pag-uusig. Hinding-hindi niya sila iiwan.—Josue 1:9.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE