MARSO 19, 2024 | UPDATED: ABRIL 23, 2024
RUSSIA

UPDATE—HINATULANG NAGKASALA ANG MAG-ASAWA | ‘Si Jehova ang Umaaliw sa Akin’

I-PLAY

Noong Abril 22, 2024, hinatulan ng Petropavlovsk-Kamchatskiy City Court of the Kamchatka Territory si Brother Sergey Chechulin at ang asawa niyang si Sister Yelena Chechulina. Sinentensiyahan sila ng dalawang-taóng suspended prison sentence. Hindi sila makukulong sa ngayon.

Profile

Sergey Chechulin

Ipinanganak: 1968 (Tymlat, Kamchatka Territory)

Maikling Impormasyon: Lumaki siya sa ampunan. Isang tagakumpuni para sa isang heating company

Naanyayahan siyang dumalo sa isang pulong ng mga Saksi ni Jehova ng isang kaibigan na nag-Bible study sa kaniya. Nasumpungan ni Sergey ang lohikal na sagot sa mga tanong niya. Nabautismuhan siya noong 1995

Napangasawa niya si Yelena noong 2000. Mayroon silang isang anak na lalaki

Personal na mga Komento

Anong teksto sa Bibliya ang nagpatibay sa iyo at sa asawa mo?

Pinagbawalan kaming umalis ng aming lugar, kinuha ng mga awtoridad ang kotse namin, at hindi namin magamit ang pera namin sa bangko. Naunawaan na namin ngayon ang sinasabi sa Awit 55:22: “Ihagis mo kay Jehova ang pasanin mo, at aalalayan ka niya. Hindi niya kailanman hahayaang mabuwal ang matuwid.” Nangako si Jehova na patitibayin niya kami. Sa tulong niya, hindi kami pinanghinaan ng loob dahil sa mga kalagayang ito. Natuto kaming lalo pang magtiwala kay Jehova at sa ating kapatiran. Mas determinado kami higit kailanman na patuloy siyang sambahin.

Yelena Chechulina

Ipinanganak: 1978 (Petropavlovsk-Kamchatskiy)

Maikling Impormasyon: Isang nurse

Nakipag-Bible study ang nanay ni Yelena sa mga Saksi ni Jehova. Nakatulong ito kay Yelena na maunawaan na kailangan niyang makilala ang Diyos, kaya nagpa-Bible study siya. Nabautismuhan siya noong 2000

Napangasawa niya si Sergey noong 2000

Personal na mga Komento

Ano ang natutuhan mo tungkol kay Jehova sa sitwasyong ito na naranasan mo?

Napansin ko na habang nagbabago ang mga sitwasyon ko sa buhay, lalong lumalalim ang pagkaunawa ko sa Bibliya. Halimbawa, habang pinag-uusig ako, lalo kong naunawaan ang isinulat ni Pablo sa Roma 8:38, 39: “Dahil kumbinsido ako na kahit ang kamatayan o buhay o mga anghel o mga pamahalaan o mga bagay na narito ngayon o mga bagay na darating o mga kapangyarihan o taas o lalim o anupamang nilalang ay hindi makapaghihiwalay sa atin sa pag-ibig ng Diyos na ipinapakita rin ni Kristo Jesus na ating Panginoon.” Tinitiyak sa akin ni Jehova na mahal niya ako, at walang makakahadlang sa kaniya sa paggawa nito. At ginagawa niya ito sa paraan na alam kong siya ang Isa na umaaliw sa akin. Sinasabi at ipinadarama ni Jehova ang pag-ibig niya sa mga lingkod niya. Ang mga ito ang tutulong sa akin na matiis ang anumang pagsubok na maaaring dumating sa akin sa hinaharap.

Gaya nina Sergey at Yelena, pinapahalagahan din natin ang Salita ng Diyos. Pinatitibay tayo nito at binibigyan tayo ng karunungan na kailangan natin para manatili tayong tapat kapag may pagsubok.—Awit 19:7.

Time Line

Setyembre 25, 2022

Sinampahan ng kasong kriminal
Oktubre 17, 2022

Hinalughog ang bahay
Setyembre 6, 2023

Pinagbawalang umalis ng kanilang lugar
Setyembre 7, 2023

Pinagbawalang umalis ng kanilang lugar si Yelena
Disyembre 26, 2023

Nagsimula ang paglilitis

Tingnan Din

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE