HULYO 8, 2022| UPDATED: MAYO 13, 2024
RUSSIA

UPDATE—IKINULONG ANG MGA KAPATID | Pinalalakas ng Panalangin

I-PLAY

Noong Mayo 13, 2024, hinatulan ng Pervomayskiy District Court of Izhevsk sina Brother Sergey Ashikhmin, Maksim Derendyaev, at Aleksandr Kutin. Sinentensiyahan ang bawat isa sa kanila ng tatlong-taóng pagkabilanggo. Ibinilanggo sila agad pagkagaling sa korte.

Time Line

Abril 14, 2021

Mga 12 bahay ng mga Saksi ni Jehova ang hinalughog ng mga FSB agent. Si Sergey ay pitong oras na sumailalim sa interogasyon. Ikinulong sina Maksim at Aleksandr
Abril 15, 2021

Dinala sa pretrial detention center sina Maksim at Aleksandr
Abril 29, 2021

Pinalaya si Aleksandr sa pretrial detention
Mayo 14, 2021

Inilagay si Aleksandr sa house arrest
Hulyo 9, 2021

Pinalaya si Maksim sa pretrial detention at inilagay sa house arrest
Marso 14, 2022

Nagsimula ang paglilitis

Profile

Sergey Ashikhmin

Ipinanganak: 1973 (Zheshart, Komi Republic)

Maikling Impormasyon: Dating security guard at nang maglaon ay isang salesman. Naoperahan sa puso kamakailan at hindi makapagtrabaho

Naantig ang kaniyang puso nang malaman niya ang pantubos na inilaan ni Jesus. Nabautismuhan bilang isang Saksi ni Jehova noong 2001. Napangasawa si Anastasiya noong 2007

Personal na mga komento

Sa anong mga sitwasyon nakatulong sa iyo ang panalangin?

Nang halughugin ang bahay namin, ang bilis ng mga pangyayari. Wala akong panahon para manalangin nang mahaba, kaya gaya ni Nehemias noong panahon ng Bibliya, nanalangin ako nang maikli at humiling ng karunungan, tapang, at lakas ng loob.

At noong panahon ng imbestigasyon, may-katusuhan nila akong tinatanong. Nanalangin ako kay Jehova na tulungan akong malaman kung kailan ako tatahimik at tulungan akong magsalita kung kinakailangan.

Maksim Derendyaev

Ipinanganak: 1985 (Izhevsk, Udmurtiya Republic)

Maikling Impormasyon: Isang electrician

Dahil sa kabaitan ng mga Saksi ni Jehova, napakilos siyang makipag-aral ng Bibliya sa kanila. Nabautismuhan noong 2000. Napangasawa si Tatyana noong 2015

Personal na mga Komento

Anong espesipikong problema ang nakaharap mo noong ikulong ka bago pa litisin, at ano ang nakatulong sa iyo na magtiis?

Hindi mo mapipili kung sino ang makakasama mo sa kulungan. Kung minsan, ako ang tampulan ng masasakit na biro, at mahirap na basta palampasin ang mga iyon.

Na-realize ko na masyado kong sineseryoso ang mga sinasabi nila. Kaya nanalangin ako kay Jehova at sinabi sa kaniya ang mga paghihirap ko at hiniling ko sa kaniya na tulungan akong tumugon nang tama. Sa panahong iyon, naranasan ko ang pagmamalasakit sa akin ni Jehova.

Aleksandr Kutin

Ipinanganak: 1982 (Izhevsk)

Maikling Impormasyon: Isang welder

Pagkatapos matuto tungkol kay Jesus, napakilos siyang tularan ang halimbawa ni Jesus. Nabautismuhan noong 2002. Napangasawa si Guzel noong 2018

Personal na mga Komento

Paano ka nakapanatiling masaya habang nasa pretrial detention ka?

Sa detention center, kinuha nila sa akin ang lahat: ang mga mahal ko sa buhay, ang mga pulong, ang Bibliya, pati ang rutin ko. Sa bahay, paggising ko sa umaga, umiinom ako ng tsaa o nagkakape, pagkatapos nagbabasa at pinag-uusapan naming mag-asawa ang teksto sa Bibliya. Hindi ko akalaing kukuning lahat iyon sa akin. Pero isang bagay ang hindi nila maaagaw sa akin, ang pananalangin. Kapag nanalangin ako, dama ko na binibigyan ako ng Jehova ng banal na espiritu para manatili akong masaya at huwag masiraan ng loob.

Marami rin akong pagkakataon para magpatotoo. . . . Habang nasa selda kasama ng pitong iba pa, tinatanong nila akong lahat kung bakit ako nakulong. Nauupo ako at ipinaliliwanag sa kanila ang dahilan. Sa pagkakataong iyon, tinutulungan ako ni Jehova na maging kalmado at panatag. Tahimik akong nananalangin kay Jehova at nagpapasalamat.

Ang ating mga kapatid na nagtitiis ng kawalang-katarungan ay nagtitiwala kay Jehova, na nangangako: “Huwag kang matakot, dahil kasama mo ako.”—Isaias 43:5.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE